Երկուշաբթի, 28 հուլիսի

Սպորտ  |  

25-ից 12-ը հաստատ ձեռնունայն կվերադառնան


10:57, 4 օգոստոսի, 2012

Երեկ երեկոյան իրենց ելույթներն են ավարտել հայ հեռացատկորդներ Վարդան Փահլեւանյանն ու Արսեն Սարգսյանը: Վարդանը ցույց տվեց 6,55 մ արդյունք եւ առաջին խմբում զբաղեցրեց վերջին՝ 21-րդ տեղը: Արսենը 7,62 արդյունքով 11-րդն էր երկրորդ խմբում: Խմբերի առաջատարները ցույց տվեցին 8,11 մ: Եթե մեր մարզիկները ցույց տային իրենց լավագույն որակները, ապա կանցնեին եզրափակիչ, որը տեղի կունենա այսօր: Թե Վարդանը, թե Արսենը այս մրցաշրջանում ցատկել են 8,20 մ, ինչը նրանց լավագույն ցուցանիշն է, սակայն, ինչպես տեսնում ենք, Լոնդոնում շատ անհաջող են ելույթ ունեցել:

Ծանրամարտի տղամարդկանց 85 կգ քաշային կարգում, որտեղ B խմբում 0 ստացավ Արա Խաչատրյանը, օլիմպիական ոսկին նվաճեց լեհ Զելինսկին, որին բախտը ժպտաց: Թե լեհը, թե ռուսաստանցի Աուխադովը ցույց տվին երկամարտի 385 կգ արդյունք, սակայն լեհ ծանրորդը հաղթեց գրամներով ավելի թեթեւ լինելու շնորհիվ: Երրորդը Իրանը ներկայացնող Ռոստամին էր՝ 380 կգ: Հրում վարժությունում անակնկալ կերպով 0 ստացավ, Պեկինի օլիմպիական չեմպիոն, պոկում վարժության առաջատար Յոնգ Լուն: Ընդհանրպաես այս խաղերում շատ առաջատար ծանրորդներ 0-ներ են ստանում, եւ ընդհանուր արդյունքներն էլ մեծ հաշվով բացասական իմաստով անհամեմատելի են թե նախորդ խաղերի, թե աշխարհի առաջնությունների հետ: Ռեկորդներն էլ շատ քիչ են:

Այսօր՝ Երեւանի ժամանակով 22:00-ին հարթակ դուրս կգա 94 կգ քաշային Նորայր Վարդանյանը՝ օլիմպիական չեմպիոն Յուրի Վարդանյանի որդին: Նորայրը կրմցի A խմբում, որտեղ ընդրգրկված է 11 մարզիկ:   

Նշենք միայն, որ Հայաստանը ներկայացնող 25 մարզիկներից 12-ն արդեն հրաժեշտ են տվել պայքարին, ընդ որում՝ առանց մեդալների: 


Գլխավոր էջ



Այս թեմայով

  • Հրաժեշտ 30-րդ ամառային օլիմպիական խաղերին
    Ահա եւ վերջ: Ավարտվեցին ամառային 30-րդ օլիմպիական խաղերը: Լոնդոնը խաղերի տանտիրոջ իրավունքը փոխանցում է Ռիո դե Ժանեյրոյին: Օգոստոսի 29-ից սեպտեմբերի 9-ը Լոնդոնում կանցկացվեն նաեւ պարալիմպիկ խաղերը, որից հետո կարեւորագույն մարզական իրադարձությանը հարկ կլինի սպասել եւս 4 տարի՝ մինչեւ 2016 թ.: Իհարկե, այս ընթացքում՝ 2014-ին, կանցկացվեն պատանեկան եւ ձմեռային օլիմպիական խաղերը:
  • Հայաստանի օլիմպիական թիմը տուն կվերադառնա 1 արծաթով ու 2 բրոնզով
    66 կգ քաշային ազատոճային ըմբիշ Դավիթ Սաֆարյանը չի կարող պայքարել բրոնզե մեդալների համար, քանի որ նրան հաղթած ղազախ Տանտարովը կիսաեզրափակչում պարտվեց հնդիկ Սուշիլ Կումարին: Այսպիսով՝ Հայաստանի վերջին մասնակիցն էլ դուրս մնաց պայքարից, եւ ուրեմն օլիմպիական թիմը տուն կբերի 1 արծաթ եւ 2 բրոնզ:
  • Դավիթ Սաֆարյանը բրոնզի հույսեր է պահպանում
    Ազատոճային 66 կգ-ոց ըմբիշ Դավիթ Սաֆարյանը դուրս մնաց ոսկե մեդալների համար պայքարից: Ղազախ ըմբիշի հետ գոտեմարտում նա միավորներով հաղթեց 8-6 հաշվով, սակայն մրցափուլերով հաղթեց ղազախը՝ 2-1: Վերջին՝ երրորդ մրցափուլում վիճահարույց դրվագ տեղի ունեցավ, եւ մրցավարները 2-1 տեսքով միավորներ բաշխեցին մարզիկներին, սակայն հետո ղազախին տվեցին ոչ թե 1, այլ 2 միավոր, եւ նա դուրս եկավ կիսաեզրափակիչ:
  • Դավիթ Սաֆարյանը 1/4-ում է
    Հայաստանի վերջին ներկայացուցիչը օլիմպիական խաղերում՝ 66 կգ քաշային ազատոճային Դավիթ Սաֆարյանը, 1/8-ում առանց գոտեմարտի անցավ հաջորդ փուլ, քանի որ նրա մրցակից եգիպտացի Օմար Ահմեդը դուրս չեկավ գորգ վնասվածքի պատճառով:
  • Հաջիմուրադը չի կարող պայքարել բրոնզի համար
    Հայաստանը ներկայացնող դաղստանցի 84 կգ ազատոճային ըմբիշ Հաջիմուրադ Նուրմագոմեդովը զրկվեց նաեւ բրոնզե մեդալների համար պայքարելու հնարավորությունից, քանի որ նրան հաղթած իրանցի Լաշգարին կիսաեզրափակչում պարտվեց Ադրբեջանը ներկայացնող Շարիֆովին:
... կարդացեք ավելին «Օլիմպիական խաղեր» թեմայով
Մեկնաբանություններ (1)
1. nan12:49 - 4 օգոստոսի, 2012
gone ciran tanein caxein xexcher@
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Արխիվ
 
 
  Պատրաստված է՝

Մեր մասին

Հասցե՝ Հայաստանի Հանրապետություն,
Երեւան-0010, Բուզանդի 1/3, 8-րդ հարկ
Հեռ.՝ +374 10 563363
Էլ-փոստ՝ info@hetq.am

Մեջբերումներ անելիս հղումը «Հետքին» պարտադիր է:
© 2014 Հետք online: Բոլոր իրավունքները պաշտպանված են:
Աջակցեք «Հետքին»