Չորեքշաբթի, 17 դեկտեմբերի

Ինչպես ընդգրկվել Ֆրանկֆուրտի գրքի միջազգային տոնավաճառի հայկական պատվիրակության կազմում


12:09, 9 օգոստոսի, 2012

2012 թ. հոկտեմբերի 10-14-ը Գերմանիայի Մայնի Ֆրանկֆուրտ քաղաքում կանցկացվի գրքի միջազգային 64-րդ տոնավաճառը, որին կմասնակցի աշխարհի 100 երկրի շուրջ 7000 ցուցադրող կազմակերպություն:

ՀՀ մշակույթի նախարարությունը տեղեկացնում է, որ Ֆրանկֆուրտի միջազգային տոնավաճառին Հայաստանի պատվիրակության կազմում ընդգրկվելու նպատակով՝ հայ հրատարակիչները, գրական գործակալները, գրողները, գրականագետները, գրաքննադատները պետք է ներկայացնեն մասնակցության վերաբերյալ առաջարկություններ, իսկ կազմակերպությունները՝ մասնակցության հայտեր:

Ցուցահանդեսին կարող են մասնակցել իրավաբանական և ֆիզիկական անձինք, ովքեր նպատակ ունեն համագործակցելու արտերկրի հրատարակչությունների հետ, ինչպես նաև ներկայացնելու իրենց հրատարակած գրքերը և հեղինակած ստեղծագործությունները:

Մասնակցության վերաբերյալ առաջարկություններն ու հայտերն անհրաժեշտ է ներկայացնել մինչև սեպտեմբերի 10 ՀՀ մշակույթի նախարարության «Գրքի և հրատարակչական գործի կենտրոն» ՊՈԱԿ: Տեղեկատվությունն ուղարկել cucahandes@gmail.com էլ. հասցեով կամ Իսահակյան 28, «Գրքի և հրատարակչական գործի կենտրոն» ՊՈԱԿ:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ