Տեսանյութեր
Լուսանկարներ
ՀՀ քրեական դատավարության օրենսգիրքը փոփոխվում է
Նկատի առնելով, որ 1998 թ. ընդունված գործող ՀՀ քրեական դատավարության օրենսգիրքը կիրառվում է ավելի քան 10 տարի, իսկ այդ ընթացքում երկրի հասարակական և քաղաքական կյանքում տեղի են ունեցել մի շարք իրադարձություններ՝ ՀՀ կառավարությունն անխուսափելի է համարում քրեական գործերի քննության և լուծման հետ կապված հարաբերությունները կանոնակարգող հիմնական իրավական ակտի փոփոխությունները։
Կառավարության այսօրվա նիստում հավանություն է տրվել օրենսգրքի նախագծին, որի ընդունմամբ ակնկալվում է ամրապնդել մարդու իրավունքների պաշտպանության քրեադատավարական երաշխիքները, հավասարակշռել հանրային և մասնավոր շահերը, բարձրացնել դատարանի դերն ու նշանակությունը, քրեական դատավարությունը համապատասխանեցնել միջազգային չափանիշներին և այլն։
Վարչապետ Տիգրան Սարգսյանն անհրաժեշտ է համարել, որ ՀՀ գլխավոր դատախազությունը, ոստիկանությունը և կենտրոնական բանկը, մինչև օրենսգրքի նախագիծն Ազգային ժողով ներկայացվելը, մեկ անգամ ևս քննարկեն փաստաթղթի հայեցակարգային դրույթները։
Օրենսգրքի նախագիծը և կառավարության եզրակացությունը սահմանված կարգով կներկայացվեն Ազգային ժողով։
Մեկնաբանություններ (1)
Մեկնաբանել