Երեքշաբթի, 23 սեպտեմբերի

Կայացել է քաղաքաշինական խորհրդի երիտասարդության հանձնաժողովի առաջին նիստը


19:51, 10 օգոստոսի, 2012

Երևանի քաղաքապետ Տարոն Մարգարյանի հանձնարարությամբ ձևավորվել է քաղաքապետին կից քաղաքաշինական խորհրդի երիտասարդության հանձնաժողով՝ մայրաքաղաքի կառուցապատման և առանձին կարևորագույն կառույցների նախագծերի քննարկման հարցերում Երևանի քաղաքապետին մասնագիտական խորհրդատվություն ապահովելու նպատակով, «Երևան քաղաքում տեղական ինքնակառավարման մասին» օրենքի համաձայն:

Հանձնաժողովի կազմում ընդգրկված են մայրաքաղաքի բուհերի ուսանողական խորհուրդների, երիտասարդական հասարակական և հոգևոր կազմակերպությունների ներկայացուցիչներ:

«Եթե նախկինում քաղաքաշինական խորհրդում ընդգրկված էին միայն ճարտարապետներ, ապա այսօր ձևավորված է 6 հանձնաժողով, այդ թվում նաև ձեր հանձնաժողովը, և վստահ եմ, որ այդ հաձնաժողովներից յուրաքանչյուրն իր լուրջ դերակատարումը կունենա համաքաղաքային նշանակության ծրագրերն առավել համակողմանի դիտարկելու և դրանք կյանքի կոչելու հարցում: Համոզված եմ, որ մեր համատեղ աշխատանքի շնորհիվ կկարողանանք Երևանը դարձնել այնպիսին, ինչպիսին ցանականում ենք տեսնել բոլորս»,- ասել է Տարոն Մարգարյանը:

Հանձնաժողովի անդամները վստահեցրել են, որ հետևողական ու անաչառ կլինեն իրենց եզրակացություններն ու առաջարկությունները ներկայացնելիս: Երիտասարդները Տարոն Մարգարյանի հետ ունեցած հարց ու պատասխանի շրջանակում տեղեկացել են քաղաքային տնտեսության կառավարման մի շարք ոլորտներում ներկայում իրականացվող աշխատանքների ընթացքի մասին:

Քաղաքապետը պատրաստակամություն է հայտնել մշտապես հանդիպելու և լսելու մայրաքաղաքին առնչվող այս կամ այն խնդրի հետ կապված երիտասարդության բարձրացրած հարցերը:

Հանձնաժողովի անդրանիկ նիստի անդամները միաձայն քվերակությամբ Երևանի քաղաքապետին կից քաղաքաշինական խորհրդի երիտասադության հանձնաժողովի նախագահ են ընտրել երիտասարդության հարցերով քաղաքապետի օգնական Սամվել Մերթարջյանին: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը:


Գլխավոր էջ



Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Արխիվ
 
 
  Պատրաստված է՝

Մեր մասին

Հասցե՝ Հայաստանի Հանրապետություն,
Երեւան-0010, Բուզանդի 1/3, 8-րդ հարկ
Հեռ.՝ +374 10 563363
Էլ-փոստ՝ info@hetq.am

Մեջբերումներ անելիս հղումը «Հետքին» պարտադիր է:
© 2014 Հետք online: Բոլոր իրավունքները պաշտպանված են:
Աջակցեք «Հետքին»