66 կգ քաշային ազատոճային ըմբիշ Դավիթ Սաֆարյանը չի կարող պայքարել բրոնզե մեդալների համար, քանի որ նրան հաղթած ղազախ Տանտարովը կիսաեզրափակչում պարտվեց հնդիկ Սուշիլ Կումարին: Այսպիսով՝ Հայաստանի վերջին մասնակիցն էլ դուրս մնաց պայքարից, եւ ուրեմն օլիմպիական թիմը տուն կբերի 1 արծաթ եւ 2 բրոնզ:

Հիշեցնենք, որ օլիմպիական փոխչեմպիոն դարձավ հունահռոմեական ոճի 74 կգ-ոց ըմբիշ Արսեն Ջուլֆալակյանը, իսկ նույն ոճի 96 կգ-ոց Արթուր Ալեքսանյանը բավարարվեց բրոնզե մեդալով: Բրոնզ նվաճեց նաեւ գերծանրքաշային ծանրորդուհի Հռիփսիմե Խուրշուդյանը: