Կիրակի, 21 սեպտեմբերի

ԱԱԾ-ի տնօրենը ավելացնում է դրամական միջոցները

Գրիշա Բալասանյան


00:03, 15 օգոստոսի, 2012

Կառավարությանն առընթեր ազգային անվտանգության ծառայության տնօրեն Գորիկ Հակոբյանը 2004 թվականից ի վեր զբաղեցնում է այդ պաշտոնը: Բարձրաստիճան պաշտոնատար անձանց էթիկայի հանձնաժողովի կողմից «Հետքին» տրամադրած գույքի եւ եկամուտների հայտարարագրերի համաձայն, Գորիկ Հակոբյանն այնքան էլ «համեստ» դրամական միջոցներ չունի:

2011թ.-ի ընթացքում Գորիկ Հակոբյանն ունեցել է 6 միլիոն 879 հազար 264 դրամի եկամուտ, որն ամբողջությամբ աշխատավարձն է: Նույն տարվա սկզբին ԱԱԾ տնօրենի հաշվին եղել է 19 միլիոն 600 հազար դրամ, իսկ տարեվերջին այդ գումարն ավելացել է 3 միլիոն 900 հազար դրամով` հասնելով 23 միլիոն 500 հազար դրամի:

Գորիկ Հակոբյանի կնոջ` Գայանե Մելիքյանի եկամուտները 2011 թվականին կազմել են 5 միլիոն 840 հազար դրամ, որից 840 հազար դրամը աշխատավարձն է, իսկ 5 միլիոն դրամը` ստացած նվիրատվությունը: Թե ով եւ ինչի համար է պաշտոնյայի կնոջը 5 միլիոն դրամ նվիրել, պարզ չէ:

Իր դրամական եկամուտներով «համեստ» չէ նաեւ Գայանե Մելիքյանը: Նա 2011-ի սկզբին ունեցել է 13 միլիոն 200 դրամ, իսկ տարեվերջին` 18 միլիոն 200 դրամ:


Գլխավոր էջ



Մեկնաբանություններ (3)
1. Ընթերցող09:24 - 15 օգոստոսի, 2012
Մեր երկրի անվտանգությունը իրականացնող մարդիկ մեր վերջին հույսն են, նրանք պետք է այնքան վարձատրվեն, որ աչքները ուրիշ տեղ չլինեն: Թեև հարցը գումարի մեջ չէ, այլ որակի: Այստեղ պատահական մարդու հայտնվելը անչափ վտանգավոր է: Համեմատաբար տարեցները ավելի մտահոգ կարող են լինել, քան երիտասարդները: Այստեղ պետք է աշխատեն պետություն հասկացությունը յուրացրած անձիք, իսկ այդպիսի մարդիk ագահ չեն կարող լինել: Երանի էն օրը, որ մենք կհպարտանանք մեր ԱԱԾ-ի աշխատակիցներով` մեծից փոքրը:
2. Դիտորդ11:40 - 16 օգոստոսի, 2012
Նրանք իրականացնում են ոչ թե պետության, այլ քրեաօլիգարխիկ իշխանության անվտանգությունը, բոլորին գնդակահարել է պետք...
3. GALUST14:59 - 17 օգոստոսի, 2012
շատ խիստ ես գրել,,,այնտեղ շատ ազնիվ մառդիկ են աշխատում,իսկ անազնիվ մարդուկներ ես կյանքում ամեն քայլին կարող ես հանդիպել
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Արխիվ
 
 
  Պատրաստված է՝

Մեր մասին

Հասցե՝ Հայաստանի Հանրապետություն,
Երեւան-0010, Բուզանդի 1/3, 8-րդ հարկ
Հեռ.՝ +374 10 563363
Էլ-փոստ՝ info@hetq.am

Մեջբերումներ անելիս հղումը «Հետքին» պարտադիր է:
© 2014 Հետք online: Բոլոր իրավունքները պաշտպանված են:
Աջակցեք «Հետքին»