Քիչ առաջ ԱԺ փոխնախագահ Էդուարդ Շարմազանովը, ընդհատելով պատգամավորների հարցերը՝ ուղղված ԱԺ արտաքին հարաբերությունների մշտական հանձնաժողովի նախագահ Արտակ Զաքարյանին, ընթերցեց ԱԺ ՀՀԿ-ական պատգամավոր Ռուբեն Հայրապետյանի՝ հուլիսի 4-ին ԱԺ ներկայացրած հրաժարականի դիմումը: Ըստ կանոնակարգ- օրենքի՝ եթե Ռուբեն Հայրապետյանը 15-օրյա ժամկետում դիմումը հետ չվերցնի, ապա այն կհամարվի ընդունված: 15-օրյա ժամկետը համընկնում է Հայաստանի անկախության տոնի հետ` սեպտեմբերի 21-ին:

Ինչպես տեղեկացրել էինք, այսօր Ազգային ժողովը արտահերթ նիստ է գումարել` Հունգարիայի մայրաքաղաք Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակներում վերապատրաստոմ անցնող ՀՀ զինված ուժերի սպա Գուրգեն Մարգարյանին 2004 թ. փետրվարի 19-ին քնած վիճակում կացնահարած ադրբեջանցի սպա Ռամիլ Սաֆարովի արտահանձնման դեպքի վերաբերյալ: