HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դպրոց գնալու ցանկությունը, 5 տարվա բացակայությունն ու փաստաբան դառնալու երազանքը

Քրիստինե Աղալարյան
Գրիշա Բալասանյան

14-ամյա Ռուբեն Բուդոյանն արդեն 5-րդ տարին է՝ դպրոց չի հաճախում: Նա հոր և հորեղբոր հետ Գեղարքունիքի մարզի Մեծ Մասրիկ գյուղի նախրապանն է դարձել: Ռուբենը ամաչում է խոսել իր` դպրոց չհաճախելու մասին, բայց պատմելիս գրական հայերենով է արտահայտվում: Տան անդամներն ասում են, որ Ռուբենը բավականին լավ է սովորել դպրոցում: Ինքն էլ խոստովանում է, որ ուզում է դպրոց գնալ և երազում է փաստաբան դառնալու մասին:

Ռուբենի քույրը՝ 15-ամյա Ժենյան, նույնպես դպրոց չի հաճախում: Իր անվան առաջին երկու՝ «ժ» և «ե» տառերը գրելուց հետո աղջիկը կանգ է առնում, շարունակել չի կարող:

Երեխաների մայրը` Կարինե Բուդոյանը, երեխաներին դպրոց չուղարկելը պայմանավորում է ընտանիքի սոցիալական ծանր վիճակով: Ասում է, որ հագուստի և գրքերի փողը չի հասցնում: Դժվարությամբ կարողանում է իր երրորդ երեխային դպրոց ուղարկել, օգնում է տեգոր կինը՝ Նառան: Վերջինս նշում է, որ ինքն էլ իր երկու երեխաներին հազիվ է կարողանում դպրոց ուղարկել: Այս տարի, օրինակ, երկու երեխաների գրքերի փողը 12 հազար դրամ է կազմել, գրադարանից վերցրել են, դեռ գումարը չեն վճարել: Մեծ Մասրիկի միջնակարգ դպրոցի տնօրեն Ատոմ Հակոբյանն էլ առանձին հաշվարկ է անում, համաձայն որի՝ գրքերի գումարը չպետք է գերազանցեր 3500 դրամը:

Մեկ տարի առաջ այցելել էիք Խաչատրյանների ընտանիքին: Մեր այցելությունից հետո նրանց տանը ոչինչ չի փոխվել, միայն աղբանոցներից վառելիք հավաքող Ռուբեն պապն է մահացել: Ալեքսանդր և Ֆրիդրիխ եղբայրների ընտանիքները նույն տանն են ապրում, որի մի մասում նույնիսկ լուսամուտներին ապակի չկա, և հավերն ազատ ելումուտ են անում տուն: Չնայած այդ ամենին՝ համագյուղացիներն ասում են, որ գյուղի ամենահարուստը հենց նրանք են, որովհետև տավարը պահելու համար բավական գումար են ստանում, պարզապես ճիշտ տնտեսել չեն կարողանում:

Մեծ Մասրիկի միջնակարգ դպրոցում երեխաների դպրոց չհաճախելը առավել մեղմ է ներկայացվում: Տնօրեն Ատոմ Հակոբյանն ու հատուկ մանկավարժ Ռիմա Գասպարյանը վստահեցնում էին, որ երեխաները դպրոց հաճախել են և ժամանակ առ ժամանակ են բացակայել: Ավելին` Ռիմա Գասպարյանը պնդում էր, թե երեխաների հետ աշխատանք է տարել, հարցից, թե ինչպիսի աշխատանքներ են տարվել, երբ երեխաները դպրոց չեն հաճախել, Ռիմա Գասպարյանը կարմրեց, պատասխան չուներ: Իսկ տնօրեն Ատոմ Հակոբյանը երեխաներին կրթությունից զրկելու ողջ պատասխանատվությունը ծնողների վրա է դնում և վստահեցնում, որ երեխաներին դպրոց չուղարկելու պատճառը բնավ էլ հագուստը չէ, քանզի իրենք մշտապես` թե՛ հագուստով, թե՛ գրենական պիտույքներով օգնել են նրանց:

Տնօրեն Ատոմ Հակոբյանն ասում է, որ Ժենյան կրթության առանձնահատուկ պայմանների կարիք ունի, այդ նպատակով նրան ուղարկում են Երևան՝ հետազոտության, սակայն ծնողները չեն տանում:  

Այստեղ այլ հարց է՝ եթե Ժենյան կրթության առանձնահատուկ պայմանների կարիք ուներ, ինչպե՞ս է մինչ օրս հասել 9-րդ դասարան, և ինչո՞ւ է մանկավարժական կոլեկտիվն աչքաթող արել այդ փաստը: Զարմանալին այն էր, որ տարիներով դպրոց չհաճախող երեխաների բացակայությունները դասամատյանում ամբողջությամբ գրանցված չէին՝ այդպիսով թաքցնելով երեխաների դպրոց չհաճախելու փաստը: Ավելին, համաձայն դասամատյանի գնահատականների՝ քույրն ու եղբայրը նորմալ են սովորում: Ժենյան հայերեն իր անուն-ազգանունը գրել չի կարողանում, բայց անգլերենին, ըստ նշանակված գնահատականների, շատ ավելի լավ է տիրապետում: Նա ընդամենը մեկ բացակա ուներ անգլերենի դասաժամից, իսկ գնահատականների միավորները 10-բալանոց համակարգում 4-7-ի էին հասնում: Գրեթե նույն գնահատականներն էլ Ռուբենի անվան դիմաց էին նշանակված: Թե որտեղից այս գնահատականները դպրոց չհաճախող երեխաների անվան դիմաց, տնօրենը բացատրել դժվարանում է: 

Ժենյան այս տարի մնացել է նույն՝ 9-րդ դասարանում: Ռուբենը փոխադրվել է 10-րդ դասարան: Դպրոցը ֆինանսավորվում է երեխաների թվով: Ատոմ Հակոբյանը ժխտեց այն հանգամանքը, որ դպրոցում երեխաներին արհեստականորեն են պահում և մատյանում քիչ բացակայություններ դնում, որպեսզի հավելյալ ֆինանսական մուտքեր ունենան:

Տնօրենի հետ համակարծիք է նաև Մեծ Մասրիկի համայնքապետ Միշա Խլոյանը: Նրա խոսքով, Խաչատրյանների ընտանիքը միշտ ուշադրության կենտրում է եղել, և իրեն էլ «պատիվ չի բերում», որ գյուղում նման ընտանիք կա, սակայն չգիտի, թե նրանց հետ ինչպես վարվի: Միշա Խլոյանը, ով նաև գյուղի հոգաբարձուների խորհրդի նախագահն է, չգիտեր, թե ինչպես դպրոց վերադարձնի Ռուբեն եւ Ժենյա Բուդոյաններին: «Ի՞նչ անեմ, ծնողներին զրկե՞մ ծնողական իրավունքներից: Ես չեմ, դուք եք, ասեք՝ ի՞նչ անեմ»,- հարցնում էր համայնքապետը:

Հոգաբարձուների խորհրդի անդամ է նաեւ Ատոմ Հակոբյանը: Նա հայտարարեց, որ երեխաների հարցը ոչ մի անգամ խորհրդում չի քննարկվել: ՏՆօրենն էլ չգիտի, թե ինչպես է պետք լուծել այս ընտանիքի և երեխաների հարցը, սակայն նշեց, որ հիմա «բան ու գործը թողած»՝ անձամբ պետք է զբաղվի նրանց կրթության հարցով: 

Երեխաների՝ կրթությունից դուրս մնալու փաստը համապատասխան մարմիններում արձանագրված չէ: Այդ մասին վկայում է Գեղարքունիքի նախկին մարզպետ Նվեր Պողոսյանի՝ մեր գրավոր հարցմանը պատասխանը: Գեղարքունիքի մարզում հանրակրթությունից դուրս մնացած երեխաներին հաշվառելու նպատակով 2011-2012 ուսումնական տարվա 1-ին և 2-րդ կիսամյակների ընթացքում մարզպետարանի կողմից գրավոր հարցումներ են կատարվել մարզի համայնքների ղեկավարներին ու հանրակրթական ուսումնական հաստատությունների տնօրեններին: Պարզվել է, որ 2011-2012 ուստարում մարզի համայնքներում հանրակրթությունից դուրս մնացած երեխաներ չկան: Մինչդեռ, բացի Ժենյա և Ռուբեն Բուդոյաններից, Մեծ Մասրիկում այլ երեխաներ էլ կան, որոնք դպրոց չեն հաճախում: 

Մեկնաբանություններ (30)

GUGHI BNAKICH
Meknabanoghner jan bolors el lav gitenq u jananchum eq Alexoi @ntaniqin,axr vonc kareli a LRAGROGNER jan es @ntaniqi krtutyan harcum meghadreq tnorenin, dzez togh chtva es pashpanum em tnorenin, parzapes apshac em dzer ashxatanqi vra. urish tema chuneiq grelu Rubeni krtutyan harcneq qnarkum?hastat nkatac kineq @ntaniqi mtavor hetamnacutyun@ - Atom Hakobyanin qnnadatelu poxaren socialapes anapahov hodvacum piti @ndgrkeiq u mibanov el ogneiq ba,-ha ibr vor Rubeni nmaner@ sovorum en Hayastanum oven darnum?urengnum?Lragrogh jan es vstahem 100% vor mayraqaghaqum Rubeni nmaner@ snki nman ajum en @nden Atom Hakobyan chka vor qnnadateq te VAXENUM eq?gracs kardaceq u misht hisheq Rubeni nman erexaner@ bolor jamanaknerum eghel en kan u klinen...-Mec Masrik@ shnorhakal e dzezanic vor hishel eq ,sakayn krtutyan asparezum gugh@ chi neghvum, paylum e gerazanc giteliqov hakarak depqum cheinq unena te patgamavor gughaci te general. ughaki zgacvuma vor parapeq miat hodvac greq eli Masrik Vardenis tanogh janaparhi asvaltapatman veraberyal vor asvalt anen kisat@ sharunaken magharich kanenq BAAAAAAAAAAAAAAAAAA
Hovnan
Ani jan mardkanc hamar aveli heshta inchvormekin qnadatel, qan mtacen te inchpes et harcin lucum tan. hargeli qnadatner bolort el xelaci mardik eq , vor mekt eq patrasvum ognel et @ntaniqin ete kam vor mekt eq inchvor ban are tvyal @ntaniqi hamar vor etqan anhagstacel eq......
SHaqe
hnaravor e vorosh mtqer hamapatasxanen [email protected] elnelov lragroxakan var erevakayutyan u urjacnelu hnaramtyutyunic...karcum em ays hodvac@ pnovox mitum uni...ev nman hodvacner@ mievnuyn e chen karox azdel aynpisi mardkanc hexinakutyan vra.ovqer janajvac u hargvacen irenc hasaraktyunum.inch@ verabervum erexanerin ev nranc cnoxnerin.goyutyun uni mi parz jshmartutyun.ete mardun ir kargavijak@ ogut e talis uzumes darcir amrnakarox mievnuyn e nran ayd kargavijakic hanel ches karox.
Parandzem
Bolor gyuxerum el khandipes nman yerexaneri.Mer hayer@ unen latcelu sovorutyun:.Yes kartsum em,vor tsnoxnern en mexavor,vor hesht tchanaparh en hartel irentc hamar.Hima mi patahakan hayi xndres mi hin koshik,kam hagust ta,anpayman kogni,kta.Da mahana e...Menq mexadrum enq,baytc hamalsaranner avartats mardik el chunen ashxatanq..........
մանկավարժ
Շատ եմ ցավում, որ մեկնաբանողները կենտրոնանում են միայն այս դպրոցի ու այս երկու երեխաներիհարցի վրա, մինչդեռ սա երևույթ է, որտեղ շատ են չլուծված խնդիրներն ու անորոշությունները; Ես հարգելի լրագրողին խնդրել էի անդրադառնալ դրանց, բայց ինչպես երևում է ամեն մեկը իր ծանոթի մեկնաբանությունն է միայն կարդում;
Aram
paron Hakopyan, guce mi grakan ban greq Budoyanneri /kam nranc nmanneri/ masin... i dep, inchu e Dzer grvacqneric miayn mi qanis@ texadrvac internetum?
Ani
erexaneri jakatagir@ toxac tnoreni hexinakutyan masin eq mtacum,vor@ bnav dzer pashtpanutyan kariq@ chuni ev ir gracneric el ervum e vor aveli lavn e , qan duq nerkayacnum eq....inchpes nsheciq, lav dproc e, lav san e tvel, bayc es harcum guce teracel en,/ka ashxatanq, ka terutyun/, poxanak harci lucman tarberakner arajarkeq,,mi xosqov, aysqan grox ka, xelaci mardik eq, ogneq @ntaniq@ durs ga socialakan canr vijakic,masnagetner uxarkeq zrucen, hamozen erexanerin dproc gnan,cnoxin el mexadrelu poxaren, gnaceq haskaceq inch marik en, guce irenq el krtutyun chune, kam en makardakin chen , vor haskanan krtutyan arjeq@.....
Գայանե
Հանգամանքների բերումով երկու անգամ ինձ բախտ է վիճակվել հանդիպել նշված դպրոցի տնօրենի հետ ու ես անչափ տպավորված եմ այդ հանդիպումներով:Թե ինչպիսի ոգևորությամբ ու հպարտությամբ է նա ներկայացնում իր ղեկավարած դպրոցը,մանկավարժներին ,աշակերտներին չեմ կարող նկարագրել, իսկ ինչպիսի իմացությամբ է տիրապետում կրթության ոլորտի խնդիրներին, ապա այդ ոլորտի փորձառու և հեղինակավոր շատ պրոֆեսիոնալներ հաստատ կնախանձեն: Ատոմ Հակոբյանը ուղղակի իր գործի գիտակ է,մանկավարժ կոչմանը արժանի,ամբողջովին նվիրված է իր աշխատանքին, ապրում է դպրոցի, ուսուցիչների և աշակերտների հոգսերով,սատար լինում նրանց:Իր գիտելիքներն և կազմակերպչական ունակությունները, որոնցով նա անչափ շատ է օժտված,անմնացորդ ի սպաս է դնում դպրոցի ուսումնադաստիարակչական աշխատանքներին:Նրա հետ կարելի է ժամերով զրուցել ու սովորել նրանից: Հաճելի է շփվել նրա հետ, լսել նրա անկաշկանդ խոսքը հայրենիքի ու բնության, հայ ու համաշխարհային գրականության ու պատմության, աշխարհի իմաստուն ու հայտնի շատ մարդկանց մասին: Նա տարածաշրջանի լավագույն տնօրենն ու կազմակերպիչն է,որի մասին խորը ակնածանքով ու սիրով են խոսում ամբողջ մարզում Իսկ վերջերս նրա ղեկավարած դպրոցը հաղթող ճանաչվեց Հայ Ասպետ մրցույթում Այդ դպրոցի սաներից արդեն սովորում են միջազգային ճանաչված համալսարաններում: ԵՎ ակամայից քեզ լավ ես զգում.որ մատաղ սերնդի կրթության և դաստիարակության կարևոր գործով զբաղված են նաև նման նվիրյալներ: Շատ ցավագին ընդունեցի,որ հոդվածը այդ դպրոցի մասին է, և երեխաների դպրոց չհաճախելը թղթակիցը փորձում է կապել դպրոցի ու նրա տնօրենի հետ, տնօրենի, ով ամենաշատն է մտահոգված այդ հարցով, այն էլ այն դեպքում,երբ պարզ երևում է ,որ դպրոց չհաճախելու պատճառը այդ երեխաների ծնողներն են,որոնք երևի այդպիսին կոչվելու իրավունք չունեն:ԵՎ որն ամենավատն է չարակամության հոտ է գալիս այս ամբողջ նյութից, այլապես այս դպրոցի մասին այնքան լավ նյութ կա գրելու որ բոլոր թղթակիցներին հաստատ կբավարարի:
Karine
paron Hakopyan, vor asum em emocional eq.....................
ES EM
hAYASTAN@ INTERNAT E BAC ERKNQI TAK
Suren
et cnoxnern in4 mexavoren vo dprocum mi girqn arji 500 dram u stipumen vor vercnen.et erexan iren 4nshvaca zgum dprocum erexaneri mot vor ir hayr@ gyuxi naxrapahna.
Ատոմ Հակոբյան
Հարգելի մեկնաբանողներ, նախապես ներողություն եմ խնդրում բոլորիցդ, բայց Դուք կամ բուն նյութից եք շեղվել կամ հոդվածին սոսկ պրիզմայով եք վերլուծում: Ես Ձեզ դիմում եմ Ձեր անուններով, ինչպես որ Դուք եք նշել: Հարգելի Արամ, Չարենց արտասանել`չի նշանակում Չարենցի տպավորություն թողնել: Այնուամենայնիվ`շնորհակալ եմ: Հարգելի Տիգրան, ես կարծեմ Ձեզ ճանաչում եմ (Ալեքսանյան Տիգրան՞): Խնդրում եմ պատասխանեք`«ամբողջ մարզ նրա գրություններն է արտագրում»: Եվ ճիշտ չէ, և կոռեկտ չէ: Հարգելի Ժաննա, Բադալյան Գարիկից ու Հակոբյան Ատոմից բացի Գեղարքունիքի մարզում 250,000 մարդ կա, Սևանա լիճ կա, Բուդոյան Ռուբեն կա: Կամ`ինչ կապ ուներ այստեղ կրթության վարչության պետը: Եվ ճիշտ չէ, և կոռեկտ չէ: Եվ ի վերջո, հարգելի Կարինե, «Միջօրե» թերթում ոչ թե ոտանավորներ են տպագրվել, այլ`բանաստեղծություններ, ընդ որում դրանք «նման երեխաների կամ ընտանիքների ցավով տառապող հոգու» հետ ընդհանրապես կապ չունեն: Հարգելի մեկնաբանողներ, վերամբարձ կեցվածքից եկեք անցնենք բուն խնդրին: Իհարկե ձևապաշտություն կընկալվի իմ մոտեցումը այս դեպքում: Շատ լավ հասկանում եմ: Թեյի սեղանի շուրջ`ես երկար զրուցել եմ և Գրիշայի, և Քրիստինեի հետ: Նրանք որևէ «չար միտում» չունեին: Այժմ ամբողջը վերլուծելով`գտնում եմ, որ և ուսումնական հաստատությունը (առավել ևս`տնօրենը), և ծնողը, և համայնքը մեղքի բաժին ունեն.դա չի կարելի չընդունել: Ի դեպ, վաղը «Գեղամա» հեռուստաընկերությունով քննարկվելու է խնդրո առարկան: Մեկ անգամ ևս ներողություն եմ խնդրում բոլոր մեկնաբանողներից, բայց ճշմարտությունն ասելը մարդուն ավելի ազատ է դարձնում և ավելի համարձակ:
Քրիստինե
Հարգելի մեկնաբանողներ, տնօրենին ոչ ոք անարգանքի սյունին չի գամել, ոչ էլ հրապարակային խարույկի մեջ այրելու միտումներ կան: Նրան առավել շատ խոսք է տրված տեսանյութում, քան բուն հերոսներին: Կա խնդիր, որը խորացել է. բոլորս ենք պատասխանատու, մենք` լրագրողներս, որ ավելի շուտ չենք բաձրացրել խնդիրը, դուք, որ անտարբեր եք գտնվել, մանկավարժական կոլեկտիվը, ծնողները, պատկան մարմինները..., որովհետև ունենք երկու երեխա, երկու ճակատագիր, որոնք կրթության իրավունք ունեն` ինչպես ես, դուք, տնօրեն Հակոբյանը և Ստենֆորդ ընդունվող երեխան: Հոդվածի և տեսանյութի նպատակը որևէ մեկին մեղադրելը չէ, այլ ինչպես հարկն է երեխաների կրթությունը կազմակերպելն է...քանի դեռ շատ ուշ չէ: Հուսանք՝ հրապարակումը խթան կդառնա, որ, ի վերջո, լուծվի այս երեխաների հարցը և հանրապետությունում այլևս կրթությունից դուրս մնացած երեխաներ չլինեն: Հարգանքով՝ Քրիստինե
Karine
Nman cnoxin petq e zrkel cnoxakan iravunqic: Lav, joxovurd ur enq gnum miayn harc bardzradzaynelov: Hrashq erkir e Hayastans: Mek or araj tertov tnorenin nerkayacnum en vorpes amenalavaguyn`i lur voxj ashxarhi, myus or datapetum en: Havanabar 36-37 tvern en galu?????????????: Apsosum em, vor mek angam hnaravorutyun exav Atomi het shpvel, bayc seri tarberutyun@ chtuylatrec: Miayn kardaceq Mijore-um nra mi qani votanavorner@ ev khaskanaq, vor henc nman erexaneri kam @ntaniqneri cavov tarapox hogi ka nra mej: Anhaskanali e naev nra lrutyun@: /ichu cheq meknabanutyun cheq anum, -paron A.Hakopyan, che vor emocional eritasard eq/
Սուրեն
Ինձ համար շատ անսպասելի էր,որ խոսքը վերաբերում է Մեծ Մասրիկի միջնակարգ դպրոցին:Բոլորովին վերջերս ընտանիքով դիտում էինք Հայ Ասպետ հաղորդումը և հաճելիորեն շատ ուրախացանք,որ Երևանի և Վանաձորի դպրոցների հետ մրցում էին այդ գյուղական դպրոցի աշակերտները և որոնք էլ արժանիորեն հաղթեցին: Դա ինչ խոսք նաև դպրոցի մանկավարժների և տնօրենի հաջողությունն է: Ես չեմ հավատում, որ դպրոց չհաճախելու պատճառը այդ ընտանիքի սոցիալական վիճակն է:Վերջին ժամանակներում կարծես մի տեսակ մոդա է դարձել ամեն վատ բան անխտիր կապել սոցվիճակի հետ: Թղթակցի ուղիղ հարցին թե ինչու չի հաճախում դպրոց Ժենյան պատասխանում է ,,մաման չի ուղարկում,, իսկ գյուղացիների վկայությամբ, ինչպես նշվում է հոդվածում այդ ընտանիքը բոլորովին էլ աղքատ ընտանիք չէ: Ուրեմն պատճառը պետք է փնտրել ծնողների մեջ, որոնք շահագործում են իրենց երեխաներին զրկելով նրանց կրթություն ստանալու իրավունքից: Իսկ թե ինչու դա չի տեսնում թղթակիցը և մեղադրում է դպրոցին դա էլ թողնենք իրեն խղճին:
GOR
давайте все что случается с нами искать проблемы в нас ..... что могут делать учители или директор школы если они сами не хотят что бы их дети учились?
Marine
dprocn iskakanic kap chuni aystex !!!!!!!!!!!!!!!!!!!!! chen uzum chenuxarkum !!!!!!!!!!!!!!!!!!((((((((((((((((((
ՎԱՐԴԱՆ
Դպրոցի տնօրենն ինչ անի? Մարդն ասում է գնացեք թեստավորման կենտրոնից վկայական վերցրեք ... ինչի չեն վերցնում ? Իսկ ինչ վերաբերում է արհեստականորեն երեխաներին դպրոցում պահելուն ապա թե տնօրենը և թե ուսուցիչները շատ ճիշտ են վարվում` նրանք հարցին մոտենում են որպես մանկավարժներ ... ավելի լավ է տվյալ երեխան դպրոցում մնա իր վատ սովորելով քան թե տան գործ անելով ....
Աշոտ
Որտեղ է երեխաների հայրը: ՈՒր է նրա պատասխանատվությունը: Ինչու թղթակիցը չի զրուցել նրա հետ, հասնելով այդ հեռավոր գյուղը: Գուցե ճիշտ է դպրոցի տնօրենը, որը նշում է դժվար է նրանց հետ խոսելը: Եթե այդպես է, ապա ինչ անի դպրոցը կամ նրա տնօրենը, հարգելի թղթակից: Ցավալի է բայց փաստ է ,որ մեզանում կան նման ծնողներ: Ինչ արած այդպիսիք ևս տեսակ են և գոյություն ունեն: Ըստ իս նման հարցերը օրենսդրորեն կարգավորման կարիք ունեն:
Meri
,,Hay Aspet,, xax@ inqs tesel em u hiacel vor gyuxi dproci erexaner@ vochnchov chen zijel Erevani dproci ashakertnerin, der avelin, irenc gragitutyamb ev hayeci artasanutyamb zarmacrin boloris...mite da antarberutyan ardyunq er..harc@ aysqan urjacnelu poxaren hamozeiq cnoxnerin erexanerin dproc uxarken, harkavor e cnoxneri het ashxatanq tanel,
Janna
Gexarquniqi marzum mi hat Badalyan Garik ka, mi hat el Hakopyan Atom.Hay dproci iskakan nviryalner en nranq`erkusn el. Hamaynqayin u petakan ishxanutyunner tox mtacen nman yntaniqneri ev erexaneri masin. Vor azater dprocic, hima el kasein inchu himnakan krtutyun ches apahovel. Kam ov e Hakopyan Atomi chap tirapetum orensdrutyann. Exbayrs glxavor hashvapah e Sevanum, bayc Hakopyani hramannern e ogtagorcum chisht ashxatelu hamar
Tigran
Chem haskanum, ichu Hay aspet barer@ cheq texadrum
Tigran
Hargeli xnbagrutyun,
Տիգրան
Հարգելի խմբագրություն, պետք լինի օրերս ցույց տվեցին…
Շուշան
մի տեսակ հավատալս չի գալիս, որ դպրոց ուղարկելու համար պայման չունենան, թող գիրք ունեցող աշակերտներից մերը վերցներ օրական մի ժամով, դաս սովորացներ: Չէ, իրենց ձեռք չէր տալիս, ինչի՞ դպրոց ուղարկեն. տղեն փող է աշխատում, աղջիկը տան գործ է անում, ապրում են էլի, դասն ինչների՞ն է պետք......... իսկ տղան մեղք է, ափսոս է, տվեք իրան շանս, հնարավորություն, ու ինքը հաստատ կդառնա փաստաբան, հաստատ!.... ու լավ փաստաբան!
մանկավար-Ժ
Սխալ է -ամբողջ մեղքը դպրոցի վրա բարդելը, վերջապես պետք է մշակվեն մեխանիզմներ, որ ծնողը հասկանա, որ երեխան մասնավոր սեփականություն չէ, իսկ ինքը պետության առաջ պատասխանատու է երեխայի թե դաստիարակության, թե Ժամանակին դպրոց ուղարկելու համար; Սա չի նշանակում, որ դպրոցը միկողմ քաշվի այս հարցից, ուղղակի դպրոցին միայնակ թողնել չի կարելի; Բազմաթիվ փաստեր գիտենք, որ ծնողը կամ դպրոց չի ուղարկում երեխային կամ հազվադեպ է ուղարկում, բայց եթե տնօրենը նպաստի տեղեկանքը տալուց առաջ պահանջում է նախ երեխայի հաճախումները կարգավորել, ուղղակի սկանդալ է սարքում; Մյուս կողմից էլ դեռևս չկա որևէ կրթական փաստաթուղթ, թե դպրոցը ինչպես վարվի սակավամիտ երեխաների հետ, երբ ծնողը հրաժարվում է երեխային տանել հատուկ դպրոց; Սովետական տարիներին գործում էր մեխանիկորեն դասարանից դասարան տեղափոխելու անորոշ սկզբունքը, հիմա էլ շատ խոսվում է ներառական կրթության մասին, բայց դահիմնականում վերաբերում է ֆիզիկական պակասություն ունեցողներին; Շատ կուզենայի, նաև կխնդրեի, որ հարգելի հոդվածագիրը այս խնդիրը ներկայացներ պատկան մարմիններին, ևհասարակությունն իմանար արձագանքը;
Տիգրան
Այ քեզ բան, Աղդամի, Գառնիի, Արարատի հեղինակի մասին սխալ պատկերացում: Հարգելի խմբագրություն, Դուք գիտե՞ք, որ Ատոմի աշակերտն ընդունվել է Սթենֆորդի համալսարան /վերջերս նախարարն հայտնեց`հպարտությամբ/: Իմ իմանալով ամբողջ մարզ նրա գրություններն է արտագրում: օրերս ցույց տվեցին. Մեծ Մասրիկն առաջին տեղն ընկավ: Դժվար թե նման մարդը չմտահոգվի Ռուբենի պես երեխայով: Կամ միթե սխալ է ասում, որ նա նման ծնողների զոհն է
Մայիս
Կարծում եմ եթե երեխան չի հաճախում դպրոց,ապա դա առաջնահերթ ծնողադաստիարակության խնդիր է:Պարզ երևում է որ տղա երեխան խելացի է և մտածում եմ,որ հարգելի լրագրող նախևառաջ պետք է աշխատել ծնողների հետ, հարկավոր է այնպիսի մեխանիզմ մշակել որպեսզի տվյալ ծնողներն հասկանան,որ իրենց երեխաներն գոնե պետք է տարրական կրթություն ստանան:Կարծում եմ դպրոցի տնօրենն առավելևս հատուկ մանկավարժն մեղքի բային չունեն:
Aram
ankexc asac zarmanum u zayranum em, vor Atom Hakopyani masin e xosq@... mek angam em handipel ev indz vra Charenci tpavorutyun e toxel... nuynisk asum en, vor Hayastani amenaorinakeli tnorenneric e. Lav inch ani ayd mard@, erb mardik sepakan erexayin bacahayt shahagorcum en?
Մարինե
Ինչպես վարվեն դպրոցի տնօրենն ու գյուղապետը, երբ ծնողները մտահոգված չեն իրենց երեխաների ճակատագրով եւ երեխաներին դպրոց ուղարկելու փոխարեն պարտադրում են զբաղվել անասնապահությամբ: Երեւի այստեղ պետական մարմինների ուշադրությունն է պետք: Ինչ վերաբերում է դպրոցի տնօրենին, ապա նա գրագետ, բանիմաց եւ սրտացավ տնօրեն է, ով միշտ մտահոգ է յուրաքանչյուր երեխայի կրթության ճակատագրով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter