HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Նարեկ Ալեքսանյան

«Խրախճանքներով քաղաքը չեն սիրում, քաղաքը սիրում են այն խնամելով»

«Պետք չէ ֆինանսիստ լինել' հասկանալու համար, որ պետության կողմից արված ծախսերի երկու երրորդը ոչ մնայուն ծախս է: Մեր երկրի պես երկրի համար, որը դեռ զարգացման փուլում է, մասսայական միջոցառումների վրա ծախսվող գումարներն ահռելի են. «Էրեբունի-Երևան» տոնակատարության կազմակերպմանն ուղղված գումարով կարելի էր բարեկարգել ամբողջ Կոմիտասի այգին»,- այսօրվա ասուլիսի ժամանակ հայտարարեց հրապարակախոս, հասարակական գործիչ Կարինե Հակոբյանը:

Նրա խոսքով՝ բացի նրանից, որ զանգվածային միջոցառումները վնասում են մեզ ֆինանսատնտեսական առումով, նաև հոգեպես դատարկում են մեր մշակույթը, տվյալ դեպքում կորցնում ենք նաև հոբելյանի խորհուրդը: Չորս տարի անց նշվելու է Երևանի 2800-ամյակը, և դա չի ունենա իրական հանդիսավորություն, քանի որ Հայաստանում մայրաքաղաքի տարեդարձը նշվում է ամեն տարի, իսկ ահա այլ երկրներում քաղաքի ծնունդը սովորաբար նշում են 10 կամ 25 տարին մեկ անգամ:

«Իմ կարծիքով, սա ուղղակի հասարակությանը զվարճացնելու արհեստական միջոց է և կապ չունի մեր մշակութային արժեքների պահպանման հետ: Խրախճանքներով քաղաքը չեն սիրում, քաղաքը սիրում են այն խնամելով: Եվ եթե ուզում ենք լավ նախապատրաստվել «Էրեբունի-Երևան 2800»-ին, ապա դրա համար պետք է նախևառաջ ունենանք կանաչապատ և խնամված քաղաք, այլ ոչ թե մի քաղաք, որտեղ քաղաքաշինական հանցանքները դառնում են նորմ, և հսկայական շինություններ են կառուցվում հենց քաղաքային այգիների մեջ»,- ասաց Կարինե Հակոբյանը:

Ճարտարապետ Լևոն Իգիթյանը հավելեց, որ ամբոխային հոգեբանության մեջ առողջ բան չկա, իսկ ինչ վերաբերում է զանգվածային միջոցառումներին, ապա դրանք որևէ մշակութային արժեք ունեն: Սակայն պետք չէ մեղադրել պետությանը դրանք կազմակերպելու և իրականացնելու մեջ, քանի որ հաճախ, ինչպես, օրինակ, «Էրեբենի-Երևան» տոնակատարության դեպքում, նախաձեռնողներն ու իրականացնողները եղել են անհատներ, ովքեր որոշել են այդպիսի նվեր մատուցել քաղաքամայր Երևանին:

Մեկնաբանություններ (1)

hagop
Hakobyan and Igityan are right, even if the latter is attempting to distance himself from his stance against the corrupt and wasteful government organizers.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter