Վերջին օրերուն, հայ մամուլի մէջ սիրտի խոր ցաւով կը կարդանք ,Գարեգին Բ. Ներսէսեան Ամենայն Հայոց Կաթողիկոսի օրօք կարգալոյծ եղած 40 հոգեւորականներու առնչեալ Վեհափառի հասցէին ուղղուած տհաճ ու ժխտական հրատարակութիւնները ու մեկնաբանութիւները: 

Նշենք, որ Վեհափառ Հայրապետը Ամենայն Հայոց Կաթողիկոս ընտրուած է, 27Հոկտեմբեր 1999 թուականին, եւ օծուած է 4 Նոյեմբեր 1999 ին: Հոս նաեւ կուզենք յիշեցնել թէ 1 յունիս 2011 թուականին կարգալոյծ հռչակած է, Զուիցերիոյ Հայ համայնքի Տ. Աբէլ Քհնյ Մանուկեանը:

Տէր Աբէլ Մանուկեան իր կարգալոյծ հռչակման կապակցութեամբ հանդէս եկաւ Ամենայն Հայոց Կաթողիկոս Գարեգին Բ. ուղղարկած հետեւեալ նամակով: «Ոչ ձեզմէ կարգ  ստանալն է պատիւ, եւ ոչ էլ կարգալույծ ըլլալը՝ անպատվությունն: Դուք կը կարծէք թէ, կարգալոյծ ընելը ձեր զօրութիւնն է, մինչդեռ այն ձեր ամենամեծ տկարությունն է: Նկատի ունենալով, որ կարգալուծման սոյն տնօրինումը եկեղեցական, վարդապետական, ծիսական, կանոնական, կարգապահական ոչ մէկ հիմք ունի, եւ ընդհակառակն արդիւնք է, ընդամենը կաթողիկոսի վստահված իշխանութեան չարաշահումին, այս որոշումը կը յայտարարեմ անարդար, անընդունելի եւ ապօրէն»:

Այս դէպքի առընչեալ հայ մամուլի մէջ տեղ առին զանազան մեկնաբանութիւններ, եւ Գարեգին Բ. Վեհափառի հասցէին ուղղուած ժխտական  հրապարակագրութիւններ, ուր կը մատնանշուէր թէ Գարեգին Բ. օրօք 40 հոգեւորականներ կարգալոյծ, իսկ 300 հոգեւորականներ ալ ձեռնադրուած են:

Ըստ Հայ Եկեղեցւոյ պատմութեան մասնագէտներու կարելի չէ յստակօրէն նշել թէ, Հայ եկեղեցրոյ պատմութեան մէջ, Գարեգին Բ. օրոք ամէնաշատ հոգեւորական կարգալոյծ եղած են, թէ, ոչ:

Անշուշտ թէ, այսպիսի հրատարակութիւնները մեր բոլորը կը յուզէ, ցաւ կը պատճառէ հայ ժողովուրդի զաւակներուն, սակայն նախ կը վիրաւորէ Ամենայն Հայոց Կաթողիկոս Ն.Ս.Օ.Տ.Տ Գարեգին Բ. Վեհափառ հայրապետի եւ Մայր Աթոռի հեղինակութիւնը, եւ կը վնասէ նաեւ .171Օ տարուայ  Հայ Առաքելական Եկեղեցին:

Անտարակոյս  շատ խրթին ու դժուար է կարգալուծման հետ կապուած խնդիրներուն ու հարցերուն լուծումը, սակայն, առաջնորդուելով «Հայ եկեղեցին, ժողովրդավար եկեղեցի Է» նշանաբանէն, արդեօք հնարաւո՞ր չէ, առաջարկել, թէ կարգալուծութեան տնօրինութիւնը յանձնել, ոչ թէ մի միայն Կաթողիկոսութեան Իշխանութեան ուսերու վրայ ,այլ Կաթողիկոսի տնօրէնութեամբ ու նախագահութեամբ կազմել Հայ Առաքելական Եկեղեցւոյ Նուիրապետական Աթոռներու Իշխանաւորներու մասնակցութեամբ  «ԿԱՐԳԱՊԱՀՈՒԹԵԱՆ  ՄԱՐՄԻՆ» եւ կամ «ԿԱՐԳԱՊԱՀՈՒԹԵԱՆ ՀՍԿԻՉ» մարմինի մը, այս ձեւով կարելի կ'ըլլայ աւելի ժողովրդավար որոշումներ հռչակել.

Տօքթ. Սարգիս Ատամ

Գերմանիա