Ազգային ժողովն այսօր սկսեց քառօրյա նիստերի աշխատանքը: Հեթագրվել էին 106 պատգամավոր: Ընդդիմությունը մի շարք օրենսդրական նախաձեռնություններով էր հանդես եկել եւ պահանջում էր ընդգրկել օրակարգ, սակայն բոլոր առաջարկները քվեարկությամբ մերժվեցին եւ ՀՀԿ ու ՕԵԿ խմբակցությունների պատգամավորները նույնիսկ հնարավորություն չտվեցին ընդդիմությանը, որպեսզի նախաձեռնությունները քննարկվեն Ազգային ժողովում:

70 դեմ, 35 կողմ եւ 1 ձեռնպահ ձայների հարաբերակցությամբ մերժվեց նաեւ օրակարգ ընդգրկել «Հարսնաքարի» վերաբերյալ ժամանակավոր հանձնաժողով ստեղծելու վերաբերյալ ընդդիմության ներկայացրած որոշման նախագիծը:

«Ժառանգություն» խմբակցության պատգամավոր Զարուհի Փոստանջյանը կրկին «խայտառակություն» որակեց ԱԺ մեծ օրակարգում ընդգրկված հայ-թուրքական արձանագրությունները եւ կոչ արեց քաղաքական մեծամասնությանը, որպեսզի դիմեն հանրապետության նախագահին` հետ կանչելու արձանագրությունները: