HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ի՞նչ են անում ավելի քան 10 տեղակալները չաշխատող «Նաիրիտում»

Առաջիկա փետրվարին կլրանա «Նաիրիտ գործարանի» չգործելու երկրորդ տարին, սակայն այդպես էլ պարզ չէ՝ աշխատելու է գործարանը, թե ոչ: Օրերս ռուսական «Իտերա» ընկերության ներկայացուցիչները այցելել են Հայաստան, ՀՀ կառավարությունը, ի դեմս էներգետիկայի և բնական պաշարների նախարարության, համառորեն լռում է այդ մասին:

Իսկ 2008 թվականից աշխատանքի անցած ավելի քան 10 տեղակալները շարունակում են աստղաբաշխական թվով աշխատավարձ ստանալ չաշխատող «Նաիրիտում»: Այդ գումարները կառավարությունը «հայթայթում» է պետական այս կամ այն հիմնարկից:

Նախորդ հրապարակման մեջ անդրադարձել էինք գործարանի աշխատավարձերին և նշել, որ նախկինում 2100 աշխատող կար գործարանում, սակայն 2008-ից հետո այդ թիվը հասել էր 3000-ի, ընդ որում՝ բանվորների քանակը չէր ավելացել, այլ ավելացել էին ղեկավար անձնակազմը և սպասարկողները: Գործարանի կանգնելուց հետո այդ թիվը մի փոքր նվազել է՝ շուրջ 200-ով: Սակայն ղեկավար անձնակազմը մնացել է գրեթե «անսասան»:

Նախորդ հրապարակումից առաջ «Նաիրիտ գործարանի» հասարակայնության և ԶԼՄ-ների հետ կապերի ծառայության պետ Անուշ Հարությունյանին հարցրել էինք, թե գլխավոր տնօրենը քանի տեղակալ ունի, Ա. Հարությունյանը 5 էր ասել, ինչպես նաև խոսել էր մեկական օգնական և խորհրդական ունենալու մասին: Սակայն երբ երեկ նորից հարցրինք Անուշ Հարությունյանին տեղակալների մասին՝ նշելով նաև նրանց անունները, վերջինս ասաց, որ 7-ն են, (պատճառաբանեց, որ անցյալ անգամ մոռացել է երկու տեղակալների մասին ասել, քանզի վերջիննես այլ մասնաշենքում են նստում), 3-ը, ըստ Ա. Հարությունյանի, այլևս չի աշխատում: Բացի այդ 10-ից՝ ևս 2-ը գլխավոր ինժեների տեղակալներն են: Սրանցից բացի՝ մեր տեղեկություններով, տնօրենը ոչ թե մեկական խորհրդական ու օգնական ունի, այլ ունի 2 խորհրդական և 3 օգնական:

«Նաիրիտ գործարանից» այդպես էլ չհերքեցին գլխավոր տնօրենի աշխատավարձի 7 մլն լինելու փաստը, ոչ էլ տեղակալների՝ 3.5-ական մլն դրամ աշխատավարձը: Իսկ 3.5 մլն դրամ ստացողները, ինչպես պարզվում է, այնքան էլ քիչ չեն՝ ավելի քան 10 հոգի: Մինչդեռ երբ «Նաիրիտ» գործարանն աշխատում էր, ընդամենը տնօրենի 3 տեղակալ կար:

Մնում է հարցնել վարչապետ Տիգրան Սարգսյանին՝ ինչու են մսխվում պետության փողերը:

Մեկնաբանություններ (3)

Xunsap'ha
(Sarcasm): Impossible !!! This is all one big lie!! Armenians never ever do such things!! Those ten deputy directors must be turks!! Only Turks do such despicable thievery!! Armenians, the first christians of the world, never!!!! NOOOOOOOOOT!!!!!!!!!!!!
նախկին նաիրիտցի
հետաքրքի է, թե գլխավոր տնօրենը ոնց կմեկնաբանի այն փաստը, որ կրճատումներ անելով մարդ է ազատում աշխատանքից, իսկ իր եղբոր աղջկան նույն բաժնում բարձր աշխատավարձով ընդունում է աշխատանքի
Garo
Khaytarakutyune lriv. Orinakanatsvats talanumen petutyan, dra hamarel nvazaguin aghqatavardz miain 35 hz drama. Ayd mardkants miain shakalneri het karelie hamematel.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter