Չորեքշաբթի, 19 սեպտեմբերի

Կյանքը տեղի է ունենում, ոչ թե պատահում... Թեկուզ պատահարը մեր իրական կյանքն է. Սէվ



Մայիսին Նահանգներում էի մի ծրագրի շրջանակներում, որը միտված էր ավելի տեսանելի եւ գործնական դարձնել «Հանդուրժողականությունը մշակույթի միջոցով» թեման:

Վաշինգտոնյան  ոչ մարդաշատ փողոցներից հետո հաջորդ հանգրվանը լճաշատ Միննեսոտա նահանգն էր: Խմբի անդամները սպասում էին հաջորդ կայանին` Կալիֆորնիայի Լոս Անջելես քաղաքին, որտեղ բոլորս տեսնելու էինք մեր ընկեր-հարազատներին:

Լոս Անջելեսում խմբի ադամներից մեկը հայտնեց, որ այդ օրը հանդիպելու է նկարիչ Սէվին... Առաջարկեց միանալ իրեն, ես ասացի, որ անհանգիստ եմ, որովհետեւ այն, ինչ տեսնում եմ նրա նկարներում, դեռեւս շփման չի տանում ինձ` որպես մշակութային լրագրող: Ես պատրաստ չէի...

Արդեն իսկ հոկտեմբերին Սէվը մի քանի այլ ամերիկաբնակ հայ արվեստագետների հետ Հայաստանում էր: Ես հավաքեցի ողջ համարձակությունս ու նախեւառաջ խոսակցությունն սկսեցի օն-լայն դաշտում.

Անուշ- Ողջույն, ո՞նց եք: Երկար ժամանակ վախի զգացումից ոչինչ չէի գրում Ձեզ. աբստրակցիայի մեջ այդքան ռեալությունն ինձ վախեցնում էր: Հիմա մի տեսակ ոգեւորվել եմ դրանից... Ժամանակի եւ պատմության հերքումն այս պարագայում համահունչ են այն ժամանակին, որը չկա եւ որում միաժամանակ գրում եմ Ձեզ... Եվ էլի ո՞նց եք:

Սէվ- Երբ պարզվեց, որ վերացարկումը ամենից շատ է մոտեցնում իրականությանը, պատրանք արտադրողները սարսափեցին ու վախից փորձեցին վերացապաշտությունը խորը թաքցնել... Բայց, ավա՜ղ, կեղծը երբեք չի կարող իրական լինել...

Անուշ- Իրականության ուրիշ երես ներկայացնելը հեշտությամբ տրվող բան է... Եվ պատմությունն էլ թերեւս այդ պատճառով հերքել կարելի է:

Սէվ- Պատմությունն ու պատմություն պատմելը շատ տարբեր բաներ են, ու դժբախտաբար պատմություն պատմողները բազմացան... Ինստիտուտները շատացել են...

Անուշ- Ինստիտուտ ստեղծելու հավանականությունն ու հավակնությունն  է մեծացել: Երանության պահ է` իրականության մեջ խոսել իրականությունից...

Սէվ- Էն, ինչ հնարավոր է, արտադրելը ձանձրալի է... Կյանքը տեղի է ունենում, ոչ թե պատահում... Թեկուզ պատահարը մեր իրական կյանքն է...

Անուշ- Ձանձրույթն ապահովության թմբիրի մեջ է պահում. կարծում եմ` շատերի համար, լավագույն միջոց է… Կիսատության ու վերապրումի սինդրոմ...

Սէվ- Ով չի զգում ձանձրույթի վտանգը, կորցնում է ամեն ինչ...

Անուշ- Ով զգում է` նույն պահին էլի կորցնում է ամեն ինչ...

Սէվ- Դե ուրեմն հաշվենք, որ ամեն ինչ կորցրել ենք, ու ինչ-որ գալիս ու գալու է նվեր է` ԸՆԾԱ...

Անուշ- Հավատում եմ... Ուրեմն այն, ինչ չենք տեսել, ավելի՞ իրական է:

Սէվ- Չենք տեսել, որովհետեւ այնտեղ չենք նայել...

Անուշ- Ուղղություն որոշողը մենք ենք...

Սէվ- Որոշողը չգիտեմ, բայց ընտրողը ինքդ ես... Ու ամեն ակնթարթի...

Անուշ- Հնարավոր է նման ընթացքի մեջ ստխառնոց առաջանա... Սոցիումն ընտրած բաներ ունի…

Սէվ- Սոցիումը միայն կարող է պարտադրել...

Անուշ- Երբ միեւնույն կարասի մեջ ենք, պարտադրանքից դուրս վիճակը կարող է կրակի բաժին դարձնել... Թե՞ ընկերակցության առումով  կրակն ավելի նախընտրելի է:

Սէվ - Не так страшен черт, как его малюют...

Անուշ- Ուրեմն ուրախ եմ` ծանոթության համար` Անուշ Քոչարյան` hetq.am-ի մշակութային լրագրող:

Հ.Գ. Առաջին լուսանկարում ՍԷվի 2000 թ.-ի աշխատանքն է, որն այժմ գտնվում է Ջերրի (Ժիրայր) Զորթյանի հավաքածուում (Ալտադենա, Կալիֆորնիա): Իսկ երկրորդ լուսանկարում  "The Malleus Maleficarum" or "Hammer of the Witches" աշխատանքն է (Ֆրանկլին` Հոլիվուդ, Լոս-Անջելես): Լուսանկարի հեղինակ` Անի:

Հոկտեմբեր, 2012

 


Գլխավոր էջ



Մեկնաբանություններ (4)
1. Sev16:18 - 14 նոյեմբերի, 2012
If we restrict liberty to attain security we will lose them both. Benjamin Franklin
2. Meg21:44 - 14 նոյեմբերի, 2012
Hargeli Anush, hargeli hetk, vaguts antsel en ayn jamanakner@ yerb "gyuxits mard chkar" yev spurk / hayrenik haraberutyunner@ himnvadz eyin u tujum eyin kapi pakasatits. Sev anunov nerkayatsog mard@ dasakan opportunist e , nuynkan dasakan zro. Na amenur e, hetevoxakan , yev ir nor " vorsin" takard@ gtselu hamar uni lav mshakvadz metod. Aha duk arants lriv janachelu nran pargevetsik mek nor zenk vorov na karog e tpavorel u nerkayanal vorpes kayatsats arvestaget. Pntrvats, karevor. Na dasakan datark "dzev " e vori hetevum batsardzak datarkutyun e . Yete aritn u jamanak@ unenayik nra het 5-10 rope zrutselu apa dzer hamar parz k darnar te um het gorts unek. Misht dzeveri mej, misht inch vor nor u " kuys" hovanavorneri shurj@ pttvog , misht achk@ yev dzerk@ nrants grpanum. Ankap u datark shaxakratankneri u datark barbajankneri medzn varpet@ pokr kazmvatskov u tpavorich xent bomji teskov. De el inch "arvestaget" vor gjot chlini, isk nra mot miayn artakin tvyalnern en, nersum hamatarats hasarak u paramol pokr mardn e yev voch miayn fizikakan arumov. Anush Jan , duk dzer togeri arankits arten yerevum e vor lav el "jokel" ek te um het gorts unek yev te na u ir gortser@ irakanum inch en nerkayatsnum , yev ar ayd yegbayrabar xorhurd ktam aveli pahajkot linel u zgush inch vor nman tsavagarneri ays kerp anugaki hovanavoreluts araj. Ayn past@ vor mek@ drsetsi e u aprum e AMN-um der arjanik u gravakan che. Vstah em duk da indzanits lav gitek. Miayn tsavum em vor sra nman anarjek mijakutyunner@ irents mekenayutyunneri shorhiv aha glux beretsin nor miamit , bari kamkov mardkants moloretsnelu Hamar . Apsos. Duk tesak te inch srtatrop ER na spasum dzer hodvatsin u arachin@ inkne anhamestoren ardzanagrel. Anvjar , urishneri hasvin utelik kam transport ka na aynteg e, ushadrutyun gravelu arit? Na aynteg e yerekvanits. Isk nra gortser@? Lavaguyn depkum dekorstiv ktorner vor karog en miayn kaxvel u zardarel diaherdzaranner.payti yev urish ireri vra Halats plastmasayi ayrvadz sev zangvadz vorn ir isk xostovanutyamb patahakanutyan ardyunkov e paymanavorvadz yev chuni voreve imast / xork u aselik. Mi xoskov dasakan aferist ... Anush Jan , avel pakas k neres , partadir Che vor tpagrek gratss, miyayn uzum em dzez tegekatsnel. Apsos na arden ogtagortsets dzer barehogutyunn u vstahutyun@.
3. Անուշ15:50 - 15 նոյեմբերի, 2012
Հարգելի Մեգ,կսահամանափակվեմ միայն այս նախադասությամբ`ճանաչում եմ ՍԷվին, գիտեմ`ինչպիսին է շրջապատում, արվեստի մեջ.անձնապես շփվել եմ: Մնացածը ձեր անձնական կարծիքն է:
4. Արա Շիրինյան20:12 - 17 նոյեմբերի, 2012
Սեւը չեր լինի Սեւ, եթե իր արվեստով, մտքերով, պահվածքով, արտաքինով, եւ նույնիսկ մարմնի կազմվածքով հանգիստ թողներ Meg-ին: Սեւի կյանքը "տեղի է ունենում" հենց այդ նպատակով՝ հունից հանելու համար, որ վրդովվենք եւ չճահճանանք: Իսկ ահա Meg-երը ցանկացած հասարակության 80 տոկոսն են...դավանում են ձանձրալի մեծամասնության կարծրացած արժեքները, սոցցանցերում պարտադիր գրում են լատիանատառ հայերենով, հիմնականում անհանդուրժող տեքստեր: Եւ քանի դեռ մեր կյանքում "պատահում են" Meg-երը, Սեւի գործերը կզարդարեն Հայաստանի դիահերձարան հիշեցնող պաշտոնական մշակույթը:
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ