«Ես չեմ բացառի, բայց դեռ վաղ է այդ մասին խոսելը»,- այսօրվա մամուլի ասուլիսում ասաց դիվանագետ, Արցախի նախկին արտգործնախարար Արման Մելիքյանը՝ պատասխանելով «Հետքի» այն հարցին, թե արդյոք 2013-ի նախագահական ընտրություններին ևս մտադրություն ունի՞ առաջադրելու իր թեկնածությունը:

Հիշեցնենք, որ Արման Մելիքյանն իր թեկնածությունն առաջադրել էր 2008թ. նախագահական ընտրություններում և ըստ պաշտոնական արդյունքների՝ 9 թեկնածուների մեջ զբաղեցրել 8-րդ տեղը՝ հավաքելով ընտրողների ձայների 0,27 տոկոսը (4399 ձայն):