HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Քաղավիացիայի վարչության ղեկավարությունը միայն աշխատավարձի հույսին չէ

ՀՀ կառավարությանն առընթեր քաղաքացիական ավիացիայի վարչության պետ Արտյոմ Մովսեսյանը 2004 թ.-ից զբաղեցնում է նույն պաշտոնը:

Ըստ նրա գույքի ու եկամուտների 2011 թ. հայտարարագրի՝ նա նույն թվականին ստացել է 7 մլն 516 հազար 246 դրամի եկամուտ, որը պաշտոնյայի տարբեր աշխատավարձերն են:

2011-ի սկզբին նրա հաշվին եղել է 38 հազար դոլար, տարեվերջին` 48 հազար:

Արտյոմ Մովսեսյանի կինը` Ալբինա Մովսեսյանը, նշված տարում ունեցել է 42 մլն 748 հազար 690 դրամի եկամուտ, որը գոյացել է ստացած երկու տարբեր նվիրատվություններից:

Ինչ վերաբերում է դրամական միջոցներին, Ալբինա Մովսեսյանը ունեցել է 1 մլն 500 դրամ, 62 հազար 500 դոլար եւ 5 հազար եվրո:

Քաղաքացիական ավիացիայի վարչության պետի տեղակալ Արամ Մարությանը 2011 թ. ունեցել է 67 մլն 926 հազար 994 դրամի եկամուտ, որից 3 մլն 526 հազար 994 դրամն է աշխատաարձը, իսկ գումարի մնացած մասը վարձավճարներից եւ 33 մլն 700 հազարն էլ կոնցեսիոն վճարից ստացած եկամուտն է:

Ինչ վերաբերում է դրամական միջոցներին, Արամ Մարությանը հայտարարագրել է 3 մլն 700 հազար դրամ (տարեսկզբին` 3 մլն 500 հազար), 156 հազար դոլար (տարեսկզբին` 130 հազար) եւ 70 հազար դոլար (տարեսկզբին` 50 հազար):

Վարչության պետի տեղակալը նույն տարում 39 մլն դրամով գնել է «Porsche Cayenne S» մակնիշի ավտոմեքենա:

Կինը` Կարինե Մարությանը, 2011-ին որեւէ եկամուտ չի ստացել, սակայն նրա հաշվին եղել է 4 մլն դրամ (տարեսկզբին` 6 մլն), 157 հազար դոլար (տարեսկզբին` 250 հազար) եւ 122 հազար եվրո (տարեսկզբին` 150 հազար):

Քաղաքացիական ավիացիայի վարչության պետի մյուս տեղակալը` Արսեն Պողոսյանը, իր գործընկերների համեմատ ամենահամեստ եկամուտներ ու դրամական միջոցներ ունեցող պաշտոնյան է:

Նա 2011 թ. ստացել է 4 մլն 968 հազար 234 դրամի եկամուտ: Ա. Պողոսյանի հաշվին եղել է նաեւ 2 մլն դրամ եւ 34 հազար դոլար (տարեսկզբին` 25 հազար):

Մեկնաբանություններ (1)

ԳԵՂԱՄ
ԱՄԵՆ ՕՐ ՄԻ ՀՈԴՎԱՑ ԵՔ ԳՐՈՒՄ ՄԵՐ ՉԻՆՈՎՆԻԿՆԵՐԻ ՄԱՍԻՆ

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter