Այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը, դատավոր Ռ.Ափինյանի նախագահությամբ, ամբողջությամբ մերժեց պատգամավորի թեկնածու ինքնաառաջադրված Անուշավան Նիկողոսյանի հայցն ընդդեմ slaq.am-ի:

Հիշեցնենք, որ Անուշավան Նիկողոսյանը դատի էր տվել slaq.am-ին («Վիրտուալ Մեդիա» ՍՊԸ)` պահանջելով իր հասցեին «Անուշավան Նիկողոսյանի «աբիժնիկության» իրական պատճառը» վերնագրով հոդվածում գրված վիրավորական և զրպարտիչ արտահայտությունների համար ներողություն խնդրել, հերքում տպագրել slaq.am կայքում և փոխհատուցել զրպարտության համար 2 մլն դրամ, վիրավորանքի համար՝ 1 մլն դրամ: Սակայն հայցվորը հետագայում պահանջվող գումարը կրճատել էր` դարձնելով 3 հազար դրամ:

Համաձայն վճռի`  հօգուտ պետական բյուջե պետք է բռնագանձվի 60 հազար ՀՀ դրամ` որպես նախկինում պահանջած 3 միլիոն դրամի պետական տուրք: