Միջին բարդության հրդեհ` Երևանում (լուսանկար)
Այս երեկո` ժամը 9-ի սահմաններում, հրդեհ է բռնկվել Երևանի Վահրամ Փափազյան 17 շենքի տանիքում, այրվել է մոտ 40 քառ. մետր տանիք:
Հրդեհին մոտ բնակարանների բնակիչներից ոչ ոք, բարեբախտաբար, չի տուժել:
Տանիքում և շենքի մոտ աշխատում էր մոտ 15 հրշեջ (3 մարտական հաշվարկ):
Դեպքի վայր էին եկել նաև շտապօգնության և «Երևան գազի» աշխատակիցները:
Ճանապարհային ոստիկանները մինչ հրդեհի մարվելը փակել էին Փափազյան փողոցի մի հատվածը, որպեսզի մեքենաները չխանգարեն հրդեհաշիջման աշխատանքներին:
Հրդեհը մարվեց մոտ 20-25 րոպեի ընթացքում:
Ինչպես «Հետքին» հայտնեց արտակարգ իրավիճակների նախարարության արագ արձագանքման խմբի հերթափոխի պետի տեղակալ Արսեն Ջանվելյանը, հրդեհը միջին բարդության էր:
«Պարզապես տղաների շատ օպերատիվ աշխատանքի շնորհիվ կանխվեց: Մտածում էինք` կարող է ավելի վատ լինել»,- ասաց նա:
Փափազյան 17-ը և հարևան շենքերը ժամանակավորապես հոսանքազրկվել էին, սակայն «Երևան գազի» փականագործ Գեղամ Գեղամյանը հայտնեց, որ շենքի գազը չեն անջատվել, քանի որ կրակը չի մոտեցել գազի վահանակներին, գազի արտահոսք չի եղել:
Արսեն Ջանվելյանը չնշեց, թե որն է հրդեհի պատճառը: Նրա խոսքով` տեսուչները հետաքննություն կանեն և կպարզեն պատճառը:
Հիշեցնենք, որ սա Փափազյան 17 շենքում հրդեհի 2-րդ դեպքն է վերջին 6 ամսում:
Մեկնաբանել