HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

ՀՀ նախագահ դառնալու հնարավորություն ունի 7 թեկնածու

Այսօր՝ ժամը 18-ին, ավարտվել է փետրվարի 18-ին կայանալիք նախագահի ընտրությանը թեկնածուների առաջադրման համար փաստաթղթերի ընդունման վերջնաժամկետը: ԿԸՀ-ից «Հետքին» տեղեկացրին, որ անհրաժեշտ փաստաթղթերի ամբողջական ցանկը ներկայացրել են միայն 7 թեկնածուներ` Հայաստանի գործող նախագահ, ՀՀԿ նախագահ Սերժ Սարգսյանը, «Ազատություն» կուսակցության ղեկավար Հրանտ Բագրատյանը, «Ժառանգություն» կուսակցության ղեկավար Րաֆֆի Հովհաննիսյանը, ԼՂՀ նախկին արտգործնախարար Արման Մելիքյանը, «Ազգային ինքնորոշում» միավորման ղեկավար Պարույր Հայրիկյանը, էպոսագետ Վարդան Սեդրակյանը եւ  «Ռադիո հայ» ՍՊԸ-ի տնօրեն Անդրեաս Ղուկասյանը:

Նշենք, որ մինչ ժամը 18-ը առաջադրվել էին 15 թեկնածուներ: Վերը նշվածներից բացի նախագահ դառնալու ցանկություն էին հայտնել նաեւ Հայաստանի մարտական կարատե կոբուդոյի ազգային ֆեդերացիայի նախագահ Տարոն Աբրահամյանը, գործազուրկ, անկուսակցական Ռոբերտ Ահարոնյանը, Մարդու իրավունքների եվրոպական դատարանում փաստաբան, ԲՀԿ անդամ Ռուբեն Այվազյանը, գործազուրկ, անկուսակցական Մհեր Հայրապետյանը, Երևանի Խաչատուր Աբովյանի անվան պետական մանկավարժական համալսարանի դասախոս Նարինե Մկրտչյանը, թոշակառու Պավլիկ Սարգսյանը, «Քաշաթաղ» հասարակական կազմակերպության նախագահ Ռոբերտ Սիմոնյանը:

ԿԸՀ-ն 10 օրվա ընթացքում կգրանցի առաջադրված 7 թեկնածուներին որպես ՀՀ նախագահի թեկնածուներ:

Մեկնաբանություններ (7)

Վարազ Սյունի (Ամստերդամ)
ընթերցող(1) - Ինչ յուրօրինակ «վերլուծություն»: Իսկ այդ ո՞ր երկրում է երկրի նախագահը մենակ կառավարում/որոշումներ կայացնում. կողքին խորհրդատուների մի ամբողջ բանակ կա: Ուղղակի Հայաստանում քեռու տղա-փեսա «մասնագետ» 'խորհրդատուները' ( ավելի շատ) զբաղված են քծնելով/պտիչկա ստանալով/կաշին ու բիզնեսները փրկելով ,քան ԵՐԿՐԻ ՇԱՀԻ մասին մտածելով: Արդյունքում «Հայ-թուրքական պրոտոկոլներ» ԿՈՊՏԱԳՈՒՅՆ քաղաքական ՍԽԱԼ,Արցախի հարցի ՏԱՊԱԼՈՒՄ ու նման այլ բաներ: Բայց նույն մարդը էլի պրեզիդենտ պիտի «ընտրվի»: ՓՈՂԻ,ՀԱՆՔԻ և ՍՈՒՊԵՐՄԱՐԿԵՏԻ մարդը: Պարույր Հայրիկյանը ,Րաֆֆի Հովհաննիսյանը,Արման Մելիքյանն ու Հրանտ Բագրատյանը բոլոր 4-էլ ՇԱՏ ԱՎԵԼԻ գրագետ ու պատրաստված են, քան Ս.Սարգսյանը: Րաֆֆի Հովհաննիսյանը Հայաստանի ամենալավ արտ.գործ.նախարարն էր: Իսկ իր «Նոր Հայաստան» շարժումը հոյակապ ու խիստ անհրաժեշտ է Հայաստանի համար: Համոզված կարող եմ ասել,որ փետրվարին ՀՀ-ի նախագահ է ընտրվելու քաղաքացիական հասարակությունը:
Վարազ Սյունի (Ամստերդամ)
Kara(2) - Ոչ մի ամոթ բան չկա,որ այդքան նախագահի թեկնածուներ կան. ընդհակառակը:
Ընթերցող
Վարազ Սյունի .. Իմ սրտից եք խոսում, շատ կուզենայի, որ այդպես լիներ, մենք չունենք քաղաքացիական հասարակություն, մինչդեռ հրաշալի անհատներ ենք: Րաֆֆին ամեն ինչ չի կորցրել, գուցե կարողանա մի բան անել` բոլորիս հետ միասին: Արթնանալ է պետք, այս մասին ես ունեմ տեսակետներ, ցանկալի է, որ դրանք ծանոթ լինեն մարդկանց, տես Lragir.am 19/12/2012 Պաշտոնյան պետք է մահանա, Lragir.am 04/01/2013 Ընտրենք մահացողին
Hay
Serzh Sargsyan@ iskakan chariq e es joghovrdi glxin. Hrant Bagratyan@ u Paruyr Hayrikyan@ qaghaqakan diak en. Ays yerkus@ irenq irenc vaghutc en sparel. Raffi Hovannisian@ Hayastanyan irakanutyan mej chi karogana iren dzragrer@ kyanqi kochi. Arman Melikyan@ Serzh Sargsyani timakicn e. Ays yerkus@ irar shat banov en nman. Vardan Sedrakyan mi amboghj kyanq e harkavor vor zgacmunqayin dashic durs ga u gitakci vor inq@ qaghaqakanutyan mej inq@ @ndhanrapes aneliq chuni. Andreas Ghoukasyan komunistneri jamanak dastirakutyun stacats balik e. Leninyan shabatoryakneri aktiv masnakic@ yerkir ghekavarelu voch shnorq, voch el pordz uni. ---------------------------------------------------------------------------------- @ntroghner@ teghyak en te ays 7 teknatsuneric qanisn en Artsaxyan patarazmi anmijakan masnakic? Inch mijocnerov en ays teknatsuneric amen mek@ iren @ntaniq@ pahum? Inchqan hark en minchev aysor vjarel petutyan@?
Երևանցի
Միակ բանը, որ կարելի է ճիշտ համարել, դա այս ընտրությունների բոյկոտելն է , և կարել է անել ամենահասրակ ձևով` ընտրություններին չմասնակցելով: Հայստանում բոլորը գիտեն, որ Ս.Սարգսյանը 100 տոկոսով վերընտրվելու է; Չնայած բոլորը դա գիտեն, բայց չգիտեմ ինչ ինչ վերլուծություններ են անում և անուղղակի օգնում են ներկա նախագահին դառնալ լրիվ լեգիտիմ ընտրված: Իմիջայլոց այս վիճակի հիմնական ճարտաչապետը լևոն Տեր Պետրոսյանն է: Ժամանակին երբ ես ցանկանում էի դա քննարկման առարկա դարձնեն, ապա Լևոնի վկաները հարձակման էին անցնում: Կրկնում եմ Սերժ Սարգսյանը վերընտրվելու է, մնում է ցույց տալ ամբողջ աշխարհին, որ նախագահն լեգիտիմ է համրվելու, բայց ընտրողների չնչին մասնակցության պայմաններում: Մի հարց էլ, հետաքրքիր է ուր մնացին ԼՏՊ-ի վկաները.....ուր մնացին ` պայքար-պայքար-պայքար մինջև վերջ գոռացողները??? Սա եր այդ վերջը?????
ընթերցող
Հետաքրքիր պատկեր է ստացվել. Ադրեաս Ղուկասյանը ոչ մի շանս չունի, Պարույր Հայրիկյանը նույնպես ոչ մի շանս չունի, քաղաքականություն գուցե լավ է հասկանում, բայց նա չի կարող պետություն ղեկավարել, Արման Մելիքյանն ունի իր հաստատուն ձայները, սակայն իր անցյալով չի վաստակել պետություն ղեկավարելու իրավունքը, համարյա թե նույն կարգավիճակն ունի Րաֆֆի Հովհաննիսյանը, նա հնարավորություն ուներ հարյուր հազարավոր ձայներ հավաքելու, սակայն ժողովրդի մեջ չմտավ, Հրանտ Բագրատյանը այս վերջին տարիներին ցույց տվեց, թե ինչպիսի վարչապետ է եղել, նա ժողովրդի հետ աշխատելու ունակություն չունի, ասելը դեռ ղեկավարել չէ: Կարծեմ մնացին երկուսը. Սերժ Սարգսյանը և Վարդան Սեդրակյանը: Սերժ Սարգսյանը կարող է նախագահ դառնալ միայն վարչական ռեսուրսի միջոցով: Միակ մարդը, ով ըստ իս, կարող է մաքուր ընտրությունների միջոցով նախագահ դառնալ Վարդան Սեդրակյանն է: Նրա դժբախտությունն էլ կայանում է այն բանում, որ մեր ժողովուրդը շփոթված է, նրան խորթ են դարձել ընդգրկուն մտածելակերպը, ազատությունը և հավատն իր ուժի նկատմամբ, իր էներգիայի բացահայտման անկարողությունը պատել է մեր ժողովրդին, նա չի ճանաչում իսկական կրոնական ոգին և իսկական կրոնական խելքը: Կհաջողվի արդյոք նրան` Վարդան Սեդրակյանին, այս կարճ հատվածում այս ամենը մատուցել մեր ժողովրդին: Եթե, ինչպես ինքն է ասում, վերևում Աստված կա, ապա մնում է, որ նա մեր ժողովրդին այդ հզոր Աստծո էությանը հաղորդակից դարձնի: Պարոն Վարդան Սեդրակյան, Ձեր շուրջը հավաքեք դեռևս իրենց չվաճառած մտավորականությանը:
Kara
Ինչ ամոթ է, որ այս թիզաչափ երկրուկ չտեսի նման այդքան նախագահի թեկնածուներ կան, իրենցից ոմանք ոչինչ չներկայացնող այդ բանագավառում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter