Հինգշաբթի, 20 սեպտեմբերի

Վիրահայոց թեմը կոչ է անում նախագահ Սահակաշվիլուն և մյուս լիդերներին ձեռնպահ մնալ սադրիչ հայտարարություններից



Քաղբանտարկյալների և  մյուս  համաներված անձանց, այդ թվում  Վահագն  Չախալյանի, ազատումը կալանավայրից առաջացրեց  բացասական  արձագանք  ընդդիմությունում գտնվող  Միասնական Ազգային  շարժման կողմից,  որի ներկայացուցիչները  վերջին  օրերի և շաբաթվա ընթացքում, մասնավորապես, երեկ ամբողջ օրվա ընթացքում  անում էին  ոչ վայելուչ  հայտարարություններ, փորձելով  նպաստել  հակահայկական տրամադրությունների տարածմանը  Վրաստանի բազմազգ  հասարակության շրջանում:

Վրաստանի նախագահ Միխեիլ Սահակաշվիլին և  ՄԱՇ քաղաքական կուսակցության գլխավոր քարտուղար Վանո Մերաբիշվիլին  հայտարարեցին, որ քաղաքական բանտարկյալ դարձած  Վահագն Չախալյանը իբր   անջատողական է, արտասահմանյան հատուկ ծառայությունների գործակալ և վրացական պետության  թշնամի:  Նման կարգի  բաց  հայտարարություններով նախագահը և  ներքին գործերի նախկին նախարարը  խոստովանեցին, որ  Միասնական ազգային  շարժման իշխանությունում  գտնվելու ժամանակ, արդարադատությունը փաստորեն  բացակայում էր: Եթե Չախալյանն, իրավամբ անջատողական  էր և  գործակալ, այդ դեպքում ինչու  նա դատված չէր  Քրեական օրենսդրության համապատասխան  հոդվածներով: Այդ առեղծվածի   բացատրությունը  մեկն է.  նախկին իշխանությունը առանձնահատուկ կերպով  օգտագործում էր  արդարադատության  համակարգը  իր  քաղաքական  ընդդիմադիրների  դեմ:

Նախագահ Սահակաշվիլին իրեն թույլ տվեց  նաև հիշատակել Ն.Ս.Օ.Տ.Տ. Գարեգին  Երկրորդ Ամենայն Հայոց կաթողիկոսի անունը, հայտարարելով,  որ  ազատումը  տեղի է ունեցել Նորին  Սրբության խնդրանքով:  Ուզում ենք  հայտարարել,  որ  նախ՝ դիմումը  բխում էր  մարդասիրական  գաղափարներից և  Չախալյանի ծնողների խնդրանքով էր, ինչին չէր կարող  չարձագանքել  Համայն հայության  Հոգևոր  հովիվը: Երկրորդ՝  Չախալյանն այսպես թե այնպես ընկնում էր համաներման տակ, քանզի նա դատապարտված  էր այն հոդվածներով, որոնք համապատասխանում են Վրաստանի 2013 թվականի հունվարի  12-ի «Համաներման մասին» օրենքին:

Վերջին օրերի  ընթացքում  նախագահ Սահակաշվիլու կողմից  բազմիցս  հիշատակվել է նաև քաղաքական այլ բանտարկյալ՝ Արմեն Գևորգյանի անունը, ում  նախագահը  նույնպես  մեղադրել է  լրտեսության մեջ:  Մի՞թե  200 քաղաքական բանտարկյալների  ցուցակից  Սահակաշվիլին  կարողացավ   մտապահել  բացառապես այս ազգանունները և  օգտագործել  դրանք   որոշակի նպատակների համար: Հարկ է նշել, որ  ելնելով  մարդասիրական գաղափարներից, Արմեն Գևորգյանի  ազատման համար,  մեր տվյալներով,  իր ժամանակին  նախագահին  միջնորդել է   Նորին  Սրբություն  Համայն Վրաստանի կաթողիկոս-պատրիարք  Իլիա Երկրորդը:

Հայ Աոաքելական ուղղափառ սուրբ  եկեղեցու Վիրահայոց  թեմը  դատապարտում է  վերը նշված  գործողությունները և հայտարարում ու  կոչ է  անում առանձին  քաղաքական  գործիչներին՝ կարճատև քաղաքական նպատակների համար  չօգտագործել այնպիսի  հարցեր, որոնք անմիջականորեն  վերաբերում են  ինչպես մեր բազմազգ  հայրենիքի խաղաղությանը և  անդորրին, այնպես էլ  երկու եղբայրական ժողովուրդների՝ հայերի և վրացիների  միջև հարաբերություններին:

Համոզված ենք, որ անկախ որևէ քաղաքական կամ այլ տեղաշարժերից, մեր ժողովուրդները  ապագայում ևս  կամրապնդեն և կխորացնեն  բարիդրացիական և եղբայրական հարաբերությունները, իսկ Վրաստանի քաղաքացի հայերը  եղել  են և կմնան  Վրաստանին   նվիրված  զավակներ:   

Վիրահայոց թեմի մամլո դիվան


Գլխավոր էջ


Տես նաև՝

ավելին



Մեկնաբանություններ (3)
1. GB03:37 - 29 հունվարի, 2013
President Mikheil SAAkashvili losing some of his dictatorial power. He is back to his double AA standing!! He keeps forgetting that Georgia is in South Caucasus, not in the heart of Europe!! Tatars and Turks are eating Christian Georgia inside out, and he shut his eyes!!
2. fred02:43 - 31 հունվարի, 2013
Saakashvilin Javaxqi yev Karabaxi tarberutyun@ chi haskanum. Hayer@ npatak chunen Javaxq@ anjatel Vrastaniz, bayz chen el uzum dzulven kam arhamarvel.
3. ararat12:41 - 4 փետրվարի, 2013
Mysha vaxtet ekela paxi
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ