Չորեքշաբթի, 19 սեպտեմբերի

Աղբահանության բանվորն արհամարհում է ընտրությունները




Մեր մեքենան լքեց նախընտրական թեմաներով խցանված քաղաքը, անցավ հին գործարանների մոտով եւ հայտնվեց բոլորովին այլ՝ թշվառ իրականության մեջ: Դեպի 4-րդ գյուղի աղբանոց տանող ճանապարհին, բացի աղբատար մեքենաներից, դեռեւս ոչինչ չէր նկատվում: Մենք մարդկանց էինք փնտրում, երբ ամայի բլրի վրա փոքրիկ կրակ տեսանք:

40-ն անց տղամարդն աղբի միջից առանձնացրել էր մետաղյա իրերն ու պղնձե լարերը. նա վառում էր դրանք՝ պլաստմասսայից ազատելու նպատակով: Պղինձը հանձնելով` նա պիտի հոգար իր ընտանիքի այդ օրվա ծախսը:

«Ես աղբահանության բանվոր եմ աշխատում Աջափնյակ համայնքում: Երբ գնում ենք աղբը հավաքելու, նայում ենք, եթե մեջը երկաթ կամ պղինձ կա, առանձնացնում ենք, սենց վառում, մաքրում ու հանձնում: Տաժանակիր աշխատանք ենք անում, բայց ուրիշ ճար չկա» ,- պատմում է Յուրիկը, ով երեք երեխաների հայր է:

Մեծ տղան 23 տարեկան է, չի աշխատում. «Ուզում է գնա խոպան, ստեղ խաբում են, փող չեն տալիս: Մեզ էլ շատ քիչ են վարձատրում՝ 105 հազար դրամ. դրանով տուն չես պահի: Ստիպված սենց բաներ ենք անում»,- ասում է Յուրիկը:

Յուրիկը տան միակ աշխատողն է: Կինը աշխատել չի կարող. աղիների խնդիր ունի. «Ասում են ռակ ա, ամեն 4 տարին մեկ վիրահատում ենք, որ մի քիչ լավ լինի: Բայց դե ոչ կարող ա աշխատի, ոչ էլ տնից դուրս գա»,- պատմում է Յուրիկը:  

Կրակի միջով անցկացրած մետաղական «աղբի» կիլոգրամն արժե 1700 դրամ: Յուրիկն ու իր երկու գործընկերները մեկ-երկու շաբաթում հավաքում են մոտ 4-5 կգ պղինձ, հանձնում են, եւ գումարը բաժանում 3 մասի. «Ո՞նց կլինի ես ուտեմ, իմ ընկերը չուտի: Բոլորն էլ ընտանիք են պահում: Էդ փողը տանում ենք` տուն ա, պեսոկ ա, լույսի փող ա-բան ա, մի կերպ տալիս ենք, ի՞նչ անենք»,- ասում է Յուրիկը:

Երկրում տեղի ունեցող քաղաքական որեւէ իրադարձություն Յուրիկին չի հետաքրքրում: Ընտրություններին մասնակցելն էլ իր արժանապատվությունից վեր է համարում. «Ո՞ւմ ընտրեմ, ինչի՞ համար ընտրեմ, ինչքա՞ն խաբվենք: Ես 10 հազարով ինձ դավաճանե՞մ, չէ ախպեր ջան»,- հուսահատվում է Յուրիկը:

Անի Հովհաննիսյան
Էդիկ Բաղդասարյան
Սարո Բաղդասարյան 


Գլխավոր էջ



Մեկնաբանություններ (7)
1. liana01:01 - 8 փետրվարի, 2013
araj depi apahov axbanoc!!!!
2. aram10:09 - 8 փետրվարի, 2013
This is a sad story depicting the lack of understanding of and faith in elections. His frustration is understandable but his not voting unacceptable. One of the presidential candidates is better than the others ,and if he votes for him he and Hayastan will be better off. Move on. Do not stagnate brothers and sisters.
3. Ashot20:51 - 8 փետրվարի, 2013
@ Aram "One of the presidential candidates is better than the others..". Look dear Aram i think we should stop living in an Utopian world where the Armenian government listens to its people. The president of Armenia is already elected by higher powers like Russia, the EU and Washington and China. All these powers gave their support prior to the start of the elections to the incumbent president. This so-called "elections" are just an effort to please the democratic values whereupon Armenia is made of. This is like saying president Putin wasn't going to win the elections.
4. Joel00:14 - 9 փետրվարի, 2013
As in the US, little changes through the electoral process, and that's what people who have been marginalized like this man understand very well. His story and attitudes are far too common across Armenia.
5. nazar22:48 - 10 փետրվարի, 2013
mi or gone Yuriki poxaren xekavarneric mek@ haytnver, te inch en etqan antasib axr
6. Hayrenik00:46 - 11 փետրվարի, 2013
Txura joxovurt vichake!!! Hazaravor martik es mer yergrum Yuriki nmana aprum! Astvac ta stapvenk mihat y dura gank es iravichake poxelu!
7. Betty10:33 - 19 փետրվարի, 2013
tox ampoxch joxovurte desne es vijake... mer azke espes bidi liner..?? tsaxelen mer yerkire ..shad vadem zgum yes intc
Մեկնաբանել
Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Լատինատառ հայերենով գրված մեկնաբանությունները չեն հրապարակվի խմբագրության կողմից։

Լրահոս

Բոլոր նորությունները

Արխիվ