HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Հանրային ծառայությունները կարգավորող հանձնաժողովի նախագահի ու նրա կնոջ եկամուտները

Հանրային ծառայությունները կարգավորող հանձնաժողովի նախագահ Ռոբերտ Նազարյանն այդ պաշտոնում աշխատում է 2003 թ.-ից: Նշենք, որ այս հանձնաժողովը կարեւոր դերակատարում ունի հանրային ծառայության ոլորտում` սակագներ սահմանելու հարցում:

Ուսումնասիրելով Ռոբերտ Նազարյանի գույքի ու եկամուտների հայտարարագիրը` պարզեցինք, որ նա 2012 թ. ունեցել է 8 մլն 435 հազար 756 հազար դրամ եւ 8300 դոլար եկամուտ: Դոլարային եկամուտը ստացված փոխառության գումարն է, իսկ դրամայինը` աշխատավարձը:

2012 թ. սկզբին Ռոբերտ Նազարյանն ունեցել է 11 մլն դրամ եւ 112 հազար դոլար, իսկ տարեվերջին մեծացել է միայն դրամային արտարժույթով պահվող գումարը` 12 մլն դրամ:

Համեմատության համար նշենք, որ 2011 թ. Ռոբերտ Նազարյանն ունեցել է 46 մլն 520 հազար դրամ եւ 8100 դոլարի եկամուտ, որից 38 մլն-ը ստացել է գույքի օտարումից, 8 մլն 520 հազարը աշխատավարձն է, իսկ 8100 դոլարը` ավանդի դիմաց ստացված տոկոսներն են:

2011 թ. տարեսկզբին Ռոբերտ Նազարյանն ունեցել է 8 մլն, տարեվերջին` 11 մլն դրամ: Աճել են նաեւ դոլարային դրամական միջոցները` 15 հազարից հասնելով 112 հազար դոլարի:

Ռոբերտ Նազարյանի կինը` Սվետլանա Խառատյանը, 2012 թ. ունեցել է 24 հազար 450 դոլարի եկամուտ, որը ստացել է ներդրած ավանդից ստացված տոկոսագումարներից:

Ինչ վերաբերում է նրա դրամական միջոցներին, 2012 թ. ունեցել է 2 մլն դրամ (տարեսկզբին` 3 մլն դրամ) եւ 300 հազար դոլար:

Սվետլանա Խառատյանը 2011-ին ունեցել է ավանդի տոկոսագումարներից ստացված 24 հազար 300 դոլարի եկամուտ: Իսկ նրա հաշվին եղել է 300 հազար դոլար եւ 3 մլն դրամ (տարեսկզբին` 1 մլն):

Մեկնաբանություններ (4)

Գարիկ
Հեչ մանրամասն չէ ,օդի մեջ թվեր ,ՄԱՆՐԱՄԱՍՆ է ՊԵՏՔ !!!!!!!!!!!
Ruzan
Երբ կկարողանանք այսպես մանրամասն ծանոթանալ նաև դատավորների ու նրանց ընտանիքների եկամուտներին.???
Prokuror
Ba et inchu chi cuyc tvel Pragai restorane? Amachela?
Նուբար Ասլանյան
Նազարյան ջան մի ամսով տեղդ ինձ կտա՞ս(հետն էլ պիտի սովորացնես,թե ոնց «աշխատեմ»),ախր էդ գործի մեջ տուպոյ եմ տուււււ-----պոյ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter