Կիմա Խաչատրյան

Քաղաքագետ Սերգեյ Շաքարյանը կարծում է, որ ՀՀ-ում առաջին հերթին պետք է արմատախիլ արվի օլիգախիան: 

Քաղաքագետն այս ընտրություններում քարոզարշավ չի տեսնում, և բոլոր թեկնածուներին համարում է նույն բնից դուրս եկած արջուկներ, որոնց հոգեբանությունը նույնն է:

«Նրանք նույն բնից դուրս եկած արջուկներն են, նույն մորց ու հորից ծնվածները, որոնց հոգեբանությունը նույնն է: Նրանք նույն ֆաշիստներն են, և այդ ֆաշիստալիզմը բոլոր կողմերից է ձևավորվում»,- այսօր «Մեդիա կենտրոնում» տված իր ասուլիսում ասաց քաղաքագետը:

«Սերժ Սարգսյանը կանխարգելեց  ընտրությունները հետաձգելը և չեզոքացրեց բոլորին. գուցե նրան այդպես էր պետք», - ասաց Շաքարյանը:

Վերջինս անդրադարձավ նաեւ նրան, որ դեսպաններն իրենց բլոգներում փնովում են Հայաստանը: Նա սխալ է համարում դա՝ անախ այն բանից, որ դա իրենց անձնական տիրույթն է:

«Միայն մեզ մոտ է ադպես, որ ինչ-որ մեկը կարող է մտնել երկրի ներքին քաղաքականության մեջ և ասել, որ այսինչ բանը լավ է կամ վատ. դա ապտակ է երկրին, պետությանը»,- նշեց Ս.Շաքարյանը: