HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Էջմիածնում տաքսիների գերակշիռ մասն աշխատում է Սերժ Սարգսյանի համար

Էջմիածնում այսօր տաքսիների գերակշիռ մասն աշխատում է նախագահի թեկնածու Սերժ Սարգսյանի շտաբի համար: Նրանք շենքերից ընտրողներին տեղափոխում են ընտրատեղամաս եւ ապահովում նրանց «բարեհաջող» վերադարձը դեպի տուն:

Թիվ 19/18 ընտրատեղամասի բակում տաքսիները հերթով կանգնած էին: Վարորդներից մեկն ասաց, որ այսօր իրենց վճարել են եւ պարտավորություն ունեն մինչեւ օրվա վերջ ընտրողներ տեղափոխել տեղամասեր: Հարցին, թե որքան են վճարել նման ծառայության համար, վարորդն ասաց. «Խիստ գաղտնիք ա»:

Թիվ 19/18 հանձնաժողովի նախագահ, «Ժառանգություն» կուսակցության անդամ Հայկ Գասպարյանը «Հետքի» հետ զրույցում ասաց, որ տեղամասի ներսում որեւէ միջադեպ չի եղել, եւ ընտրությունները հանգիստ ընթանում են, սակայն պասիվություն է նկատվում:

Այս ընտրատեղամասում 1997 ընտրողից, ժամը 13-ի դրությամբ քվեարկությանը, մասնակցել է 375 ընտրող:

Թիվ 19/10 ընտրատարածքում քվեարկության էին բերել 90 տարեկանից մեծ մի տատիկի: Նրան գրեթե քարշ տալով էին բերում ընտրատեղամաս, քանի որ մեծ դժվարությամբ էր քայլում:

Այլ տեղամասերում եւս ծերերին ավտոմեքենաներով էին բերում եւ օգնում էին, որ նրանք քվեարկեն, բնականաբար՝ Սերժ Սարգսյանի օգտին:

Զավեշտալի դեպք գրանցվեց թիվ 19/08 ընտրատարածքում: Մի տատիկ, ում տաքսիով բերել էին ընտրության, գրեթե չգիտեր, թե ինչի համար է տեղամաս եկել: Նա չէր էլ գիտակցում, թե ում պետք է ընտրի: Իրեն տեղամաս բերող երիտասարդի օգնությամբ նա քվեարկեց եւ, երբ պետք է քվեաթերթիկը գցեր ընտրատուփի մեջ, բարձր բղավեց. «Հիմա էս քվեաթերթիկը գցեմ գետնի՞ն»:

Ընտրությունը բարեհաջող ավարտելուց հետո, ասաց, որ իրեն ինչպես բերել են այնպես էլ տուն տանեն:

Նշենք, որ Էջմիածնի ընտրատեղամասերի մեծ մասում, բացի Սերժ Սարգսյանից, այլ թեկնածու վստահված անձ չունի:

Մեկնաբանություններ (2)

ara
vor kasharq@ aznvoren bazanen Serj@ problem chi unena, bayz 70%@ gnum e shakalneri grpan@
ominac
երբ մարդիկ իրենց ընտրութիւնը ծախու հանած են, յանցաւորը իրենց ընտրութիւնը գանողը չէ, աւելի շուտ յանցաւոր չիկայ։ մարդիկ կան որ որոշած են առանց ողնայարի ապրիլ, ժողովրդավար կառոյցներու մէջ ընդունելի է։ Աւելի լաւ է որ մարդիկ իրենց հասկցած ձեւերով ապրին քան թէ «բարձր մակարդակով»

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter