HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Րաֆֆի Հովհաննիսյանը չի ասում, թե արդյոք հաղթել է

Նախագահի թեկնածու Րաֆֆի Հովհաննիսյանն այսօր հրավիրած մամլո ասուլիսում չպատասխանեց լրագրողների հարցերին, փոխարենը հանդես եկավ ճառով, մեկը՝ հայ լրագրողների, մյուսը՝ անգլախոսների համար: 

Ըստ Հովհաննիսյանին՝ փետրվարի 18-ը հաղթանակի օր է, եւ հայ ժողովուրդը 20 տարվա ընթացքում նշում է առաջին հաղթանակը: «Մենք բոլորս հաղթող ենք: Հայ ժողովուրդը ազգ եւ պետություն է դարձել: Ժողովուրդը խոսել է, քվեարկել է»,- իր խոսքում նշեց թեկնածուն: 

Չնայած սրան՝ նա նաեւ նշեց, որ տեղ են գտել անազնիվ, անարդար տարրեր, կեղծիքներ, ինչը հիշեցնում է խորհրդային տարիները, երբ ամեն ինչ ուղղահայաց էր, եւ կար վախի մթնոլորտ: «Ով խեղում է Հայաստանի քաղաքացու ձայնը, պատասխան է տալու»,- վճռական տոնով հայտարարեց Րաֆֆի Հովհաննիսյանը: Ըստ նրան՝ ինքը 5 տարի հետո վերընտրության չի մասնակցելու, եւ իշխանությունը փոխանցելու է նոր սերնդին, եւ իրեն պետք է միայն «5 տարի հայ ժողովրդի հետ ծառայել»:

«Ոչ մեկ չի պարտվել, պարտվել է վախը, փոքրոգությունը: Հայ ժողովուրդն այսօր այո է ասել մեր երկրի ապագային»,- ասաց Րաֆֆի Հովհաննիսյանը:

Իր խոսքում նա կարեւորեց նաեւ գործող նախագահ Սերժ Սարգսյանի վաստակը հայ պետականության կայացման գործում՝ նշելով, որ նա մնալու է պատմության մի մաս: Ասուլիսի վերջում մի հարց հնչեց. «Պարոն Հովհաննիսյան, Դուք հաղթե՞լ եք», ինչը մնաց անպատասխան: Րաֆֆի Հովհաննիսյանը հարցերի պատասխանը ստանալու համար հրավիրեց Ազատության հրապարակում արդեն այսօր՝ ժամը 17:00-ին, կայանալիք հանրահավաքին:   

Վերջում մի քանի խոսք ասաց նաեւ անգլախոս լրագրողների համար, որտեղ կրկին շեշտեց, որ սա ոչ թե Րաֆֆի կամ Սերժի հաղթանակն էր, այլ՝ ժողովրդի: Նա հատուկ շեշտադրում կատարեց ՀՀ արտաքին քաղաքականության, Ցեղասպանության ճանաչման վրա:  

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter