«Ժառանգություն» կուսակցության մամուլի քարտուղար Հովսեփ Խուրշուդյանը «Հետքի» հետ զրույցում չբացառեց, որ «Ժառանգության» ակտիվիստներով գնան ԿԸՀ, քանի որ, նրա բնորոշմամբ, հեռուստատեսությամբ աբսուրդ թվեր են հրապարակվում թեկնածուների ստացած ձայների վերաբերյալ:

Հովսեփ Խուրշուդյանն ասաց, որ այս պահին ակտիվ աշխատում են, եւ հավաքագրում են տեղամասերից եկող ահազանգերը եւ իրենց ամբողջ ռեսուրսը կենտրոնացրել են այդ ուղղությամբ:

«Հեռուստատեսությամբ աբսուրդ թվեր են հրապարակվում: Ընդ որում, մեր ձեռքի տակ ունենք արձանագրություններ, որ կոնկրետ տեղամասերում Րաֆֆի Հովհաննիսյանն է հաղթել, սակայն ԿԸՀ-ն հրապարակել է բոլորովին այլ թվեր: Չգիտեմ, թե դրա տակից ոնց են դուրս գալու»,-ասաց Հ. Խուրշուդյանը: