Զոյա Թադևոսյան. «Ռեժիմն իր սև գործն արեց, արժանի պատասխան պետք է տա ժողովուրդը»
«Ժողովրդի իշխանություն» հասարակական-քաղաքական նախաձեռնության հիմնադիր անդամ Զոյա Թադևոսյանը «Հետքի» հետ զրույցում ասաց, որ «Հնարավոր է» կարգախոսով հանդես եկող թեկնածու Րաֆֆի Հովհաննիսյանը պետք է հավատարիմ լինի իր տված խոստմանը:
«Ամեն դեպքում ռեժիմն իր սև գործն արեց: Արժանի պատասխան պետք է տա ժողովուրդը, հակառակ դեպքում մենք կխրվենք մշտնջենական քաղաքական, տնտեսական, իրավական, սոցիալական, մշակութային, բարոյահոգեբանական խավարի մեջ: Դա կլինի հայ ազգի և հայոց պետականության վերջը: Այս ընտրությունները իրենց վայրագությամբ, կեղծիքների մասշտաբով գերազանցեցին նախորդները, իսկ դիմադրությունը թույլ էր: Դա ապացուցում է մեկ անգա ևս, որ վայրագ ու կեղծարար իշխանություններին կհաղթի միայն համախմբումը»,- ասում է Զ. Թադևոսյանը:
Ըստ նրա՝ աքսիոմատիկ ճշմարտություններ կան, որոնց հետ հաշվի չնստելը քաղաքական կարճատեսություն է: «Էլ ավելի սխալ է չգնահատել այն հզոր քաղաքական ուժի առաքելությունը, որ հինգ տարի շարունակ հայ ժողովրդի քաղաքական պայքարը պահեց կենսունակ: Ցավում եմ...բայց ամեն ինչ դեռ կորած չէ»,- ավելացրեց Զոյա Թադևոսյանը:
Մեկնաբանել