Երիտասարդների ակցիայի արդյունքում ԵԱՀԿ/ԺՀՄԻԳ դիտորդները հեռացան ասուլիսի վայրից
Այսօր «Արմենիա Մարիոթ» հյուրանոցում ԵԱՀԿ/ԺՀՄԻԳ դիտորդների ասուլիսի ընթացքում հայտարարվեց, որ Հայաստանում նախագահի ընտրություններն անցել են հիմնականում ժողովրդավարական չափանիշներին համապատասխան ու մրցակցային:
Մամուլի ասուլիսը խոչընդոտվեց երիտասարդ ակտիվիստների ակցիայով:
Երբ հայտարարվեց, որ լրագրողները կարող են հարցեր տալ դիտորդներին, ակտիվիստ Լենա Նազարյանը, ով նաեւ դիտորդ էր Արտաշատի ընտրատեղամասերից մեկում, կանգնեց բեմի վրա եւ սկսեց կարդալ մի տեքստ:
Նրան փորձեցին հեռացնել բեմից, սակայն մյուս երիտասարդ ակտիվիստները թույլ չտվեցին, եւ դիտորդները ստիպված եղան դադարեցնել ասուլիսը: Պատվիրակության ներկայացուցիչները դուրս եկան դահլիճից, եւ ասուլիսն ընդմիջվեց: Այն այս պահին դեռ չի վերսկսվել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (2)
Մեկնաբանել