Վլադիմիր Պուտինը շնորհավորել է Սերժ Սարգսյանին
Ռուսաստանի նախագահ Վլադիմիր Պուտինը հեռախոսազրույց է ունեցել երեկ կայացած ընտրություններում, ըստ ՀՀ ԿԸՀ արդյունքների, հաղթած Սերժ Սարգսյանի հետ: Վլադիմիր Պուտինը շնորհավորել է Սերժ Սարգսյանին նախագահի պաշտոնում ընտրվելու առթիվ:
Ռուսաստանի նախագահի kremlin.ru կայքի հաղորդմամբ՝ նախագահները պայմանավորվել են շարունակել անձնական շփումը:
Վլադիմիր Պուտինը Սերժ Սարգսյանին է հղել նաև շնորհավորական ուղերձ, որում, մասնավորապես, նշվում է, թե ընտրությունների արդյունքները վկայում են բնակչության շրջանում Սերժ Սարգսյանի բարձր հեղինակության, նրա ղեկավարությամբ վարվող սոցիալ-տնտեսական և արտաքին քաղաքականության կուրսի ստացած աջակցության մասին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել