Րաֆֆի Հովհաննիսյանը ձգտում է դառնալ ընդդիմադիր լիդեր
«Այս տարվա ընտրությունները որակապես տարբերվում էին նախորդից: Բայց ասել, որ որևէ լուրջ բան փոխվեց, չեմ կարող: Եղավ այն, ինչ ես նախօրոք կանխագուշակել էի: Միակ բանը, որին չէի սպասում, Րաֆֆի Հովհաննիսյանի 37 տոկոս ձայն հավաքելն էր: Ես կարծում էի՝ նա կունենա մոտ 30 տոկոս ձայն: Իսկ դիտորդներն այս ընտրությունները բնորոշում են այնպես, ինչպես բնորոշել են խորհրդարանական ընտրությունները»,- լրագրողների հետ հանդիպման ժամանակ ասաց քաղաքագետ Ալեքսանդր Իսկանդարյանը:
Նրա կարծիքով՝ Րաֆֆի Հովհաննիսյանի օգտին քվեարկել են ոչ թե այն մարդիկ, ովքեր համակրում են նրան, այլ նրանք, ովքեր դեմ են իշխանությանը:
Ըստ քաղաքագետի՝ այս տարվա հետընտրական գործընթացը ևս տարբերվում է նախորդից. «2008թ. կար ոգևորվածություն, որն այսօր պակասում է: Չկա մարդկանց այն հոծ բազմությունը: Խոսում է միայն Րաֆֆի Հովհաննիսյանը, և վատ կազմակերպվածության պատճառով նրա ձայնը այքնան էլ լսելի չէ բոլորի համար»:
Ամփոփելով՝ Իսկանդարյանը նշեց. «Մեզ մոտ զգացվում է ընդդիմության ուժեղ շունչ, ինչը մի քանի անգամ ապացուցվել է: Րաֆֆին ձգտում է դառնալ ընդդիմադիր լիդեր, ինչը այս տարիների ընթացքում նրան չի հաջողվել և կարծում եմ, որ դժվար թե հաջողվի»:
Արև Ավագյան
Մեկնաբանել