Ազատության հրապարակում «Ժառանգության» անդամ Ստյոպա Սաֆարյանը հայտարարեց որ իշխող «ռեժիմը» անհանգստացած է: Իբրեւ դրա ապացույց նա նշեց այսօր անցկացված վերահաշվարկը, որի ժամանակ, ըստ նրա, ակնհայտ է դարձել, որ Րաֆֆի Հովհաննիսյանը հաղթել է:

«Բավական է՝ վերահաշվարկվեն արդյունքները, եւ դուք կհամոզվեք, որ Րաֆֆի Հովհաննիսյանն ու ժողովուրդը հաղթել են առաջին փուլում: Սրան հավատում էր Րաֆֆի Հովհաննիսյանը, եւ հիմա հավատում ենք բոլորս»,- նշեց Սաֆարյանը:

Ըստ նրա՝ պետք է վերահաշվարկ պահանջեն բոլոր տեղամասերում, եւ ժողովրդի պարտքն է տեր կանգնել իր հաղթանակին:  

Լուս.՝ Սառա Անջարգոլյանի