HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Անի Հովհաննիսյան

Րաֆֆի Հովհաննիսյանը նախագահականում է. հանդիպմանը, նրանից ու Սերժ Սարգսյանից բացի, ոչ ոք ներկա չէ

Րաֆֆի Հովհաննիսյանի և նրան հետևող բազմության՝ նախագահականի շենքին հասնելուն պես ոստիկանության գնդապետ Վալերի Օսիպյանը պահանջեց, որ Րաֆֆի Հովհաննիսյանը միայնակ մտնի նախագահական՝ առանց լրագրողների:

Րաֆֆի Հովհաննիսյանն ասաց, որ եթե Սերժ Սարգսյանի կողմից մեկ օպերատոր և մեկ լուսանկարիչ հանդիպմանը ներկա են լինելու, ապա ինքը ևս խնդրում է, որ իր հետ լինեն մեկ օպերատոր և մեկ լուսանկարիչ:

Նախագահականի արարողակարգի պետը ներկայացավ՝ ասելով, որ նախագահի կողմից որևէ օպերատոր կամ լուսանկարիչ չի լինելու, հանդիպմանը լինելու են միայն Սերժ Սարգսյանն ու Րաֆֆի Հովհաննիսյանը:

Բազմությունը հավաքված է նախագահականի հանդիպակաց մայթին ու վանկարկում է «Հայաստան»:

Փոքր-ինչ ներքև՝ Գիտությունների ազգային ակադեմիայի շենքի առջև, այս պահին կանգնած են վահաններով ու մահակներով զինված ոստիկաններ: «Հետքի» հարցին, թե արդյոք որևէ գործողությո՞ւն են պատրաստվում անել, ոստիկանության գնդապետը, ով չցանկացավ ներկայանալ, պատասխանեց, որ որևէ գործողություն դեռևս չեն անելու, ուղղակի եկել են, որ անկարգություններ լինելու դեպքում կանխեն:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter