Հայաստանից հեռացեք. պահանջ միջազգային դիտորդներին (լուսանկարներ)
Սոնա Սիմոնյան
Այսօր ԵԱՀԿ երեւանյան գրասենյակի մոտ կազմակերպվել էր բողոքի ակցիա՝ ընդդեմ միջազգային դիտորդների: Ակցիայի նպատակն էր հեռացնել Հայաստանից ԵԱՀԿ միջազգային դիտորդներին, որոնք, ցուցարարների կարծիքով, չեն կատարել իրենց դիտորդական անկախ առաքելությունը և փորձել են լեգիտիմացնել ընտրակեղծիքները:
Սակայն ակցիան խոչընդոտվեց ոստիկանության կողմից, որը փորձում էր ժողովրդին հրելով տեղափոխել դիմացի մայթ՝ պատճառաբանելով, որ այդտեղ խանգարվում է անցուդարձը: Ակցիայի մասնակիցները, սակայն, մնացին իրենց տեղում՝ անօրինական համարելով ոստիկանության պահանջը:
Մի փոքր առաջ հրելով մասնակիցներին՝ ոստիկանությունը փակել է դեպի ԵԱՀԿ գրասենյակ տանող ճանապարհը: Ակցիայի մասնակիցները դեռևս սպասում են, որ կազատվեն «շրջափակումից» և կշարունակեն իրենց խաղաղ ակցիան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել