Հովսեփ Խուրշուդյանը հանրահավաքի ժամանակ թվեց այն բոլոր քաղաքները, որտեղ նախագահական ընտրությունների արդյունքներով, Րաֆֆի Հովհաննիսյանը հաղթանակ է տարել Ս. Սարգսյանի նկատմամբ: Նույն ձևով թվարկվեցին այն բոլոր ընտրախախտումները, որոնց պատճառով, «Ժառանգության» մամուլի խոսնակի կարծիքով, մի շարք ընտրատեղամասերում Րաֆֆի Հովհաննիսյանը պարտվեց:

Սակայն ժողովուրդը ձայների բացարձակ գերակշռությամբ հաղթանակ է տարել` ի դեմս Րաֆֆի Հովհաննիսյանի. գյուղերից թեև լրացուցիչ ցուցակներով մարդիկ բերվեցին Երևան` ընտրելու Ս. Սարգսյանին, բայց նրանց քվեաթերթիկները Ր. Հովհաննիսյանինն էին` ասաց նա:

Բոլոր ընտրախախտումների համար պատասխան են տալու` ավելացրեց Հովսեփ Խուրշուդյանը` նշելով, որ  «այժմ իրականացվում է սահմանադրական հեղափոխություն»: