Դասադուլ անող ուսանողները, ՀՀ օրհներգը երգելով, շարժվեցին Երևանի պետական ճարտարագիտական համալսարան` կոչ անելով ճանապարհներն անցնել  անցումներով,  չվիճել  ոստիկանների հետ, քանի որ «նրանք պահպանում են մեր անվտանգությունը»:

Ճարտարագիտական համալսրանի դուռը փակ էր, ուսանողները դուրս չէին գալիս շենքից, թեև երկար դասամիջոցի ժամն էր: Դասադուլ անող ուսանողները հայտատարարեցին, որ «համալսարանից մի քանի հոգի ուզում են իջնել», «դասախոսները չեն թողնում»:

Դասադուլ հայտարարելը ուսանողի սահմանադրական իրավունքն է` ասացին ուսանողները` կոչ անելով դասախոսներին չխախտել այն, «այլապես պատասխան են տալու»:

Ուսանողները շրջում են Ճարտարագիտական համալսարանի տարբեր մասնաշենքերով` համախմբելու իրենց համախոհներին: