HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Տ. Ուրիխանյան. «ԲՀԿ-ից անընդմեջ սպասեք գործողություններ»

ԲՀԿ քաղաքական խորհուրդն այսօր հայտարարություն էր տարածել` փետրվարի 18-ին կայացած նախագահական ընտրությունների ու դրանից հետո սկսված բողոքի ակցիաների վերաբերյալ: «Բարգավաճ Հայաստանը եղել ու մշտապես լինելու է ժողովրդի կողքին»,- հայտարարության մեջ տեղ գտած հատկապես այս նախադասությունը տարաբնույթ մեկնաբանությունների տեղիք էր տալիս. ԲՀԿ-ն միանալո՞ւ է բողոքավոր զանգվածին, թե՞ կողքից է հետեւելու նրանց գործողություններին:

«Այս պահին ձեր զինանոցի համար վերցրեք այդ արտահայտությունները, ձեւակերպումները, հետեւեք մեր գործողություններին եւ ամեն ինչ պարզ կլինի: Մենք նոր բան չենք ասել, համեմատած խորհրդարանական, նախագահական ընտրություններից առաջ ընտրությունների միջեւ ընկած ժամանակահատվածի հայտարարությունների հետ: Ասում ենք նույնը, դեռ ավելին` մի հատ էլ հիշեցնում ենք, բա որ ասում էինք երկրում լեցուն են խնդիրները, որոնք պետք է բերեին ահա այսպիսի իրավիճակի եւ բազմապիսի այլ վիճակների»,- «Հետքի» հետ զրույցում ասաց ԲՀԿ մամուլի խոսնակ, ԱԺ պատգամավոր Տիգրան Ուրիխանյանը:

Նրա ասելով` երկրի բազմաթիվ խնդիրների լուծմամբ է պետք զբաղվել, ոչ թե ինչ-որ այսրոպեական քաղաքական ակցիաներով:

«ԲՀԿ-ից անընդմեջ սպասեք գործողություններ. մենք երբեւէ չենք պասիվացել»,-ավելացրեց Տ. Ուրիխանյանը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter