Արտաշատում Րաֆֆի Հովհաննիսյանի համակիրների կազմակերպած հանրահավաքի ժամանակ տեղի ունեցավ միջադեպ: Երբ ելույթ էր ունենում Ստյոպա Սաֆարյանը, երիտասարդներից մեկը լուսանկարեց «Ժառանգություն» կուսակցության անդամ, ակտիվիստ Դավիթ Սանասարյանին:

Վերջինը թույլ չէր տվել իրեն այդքան փոքր տարածությունից լուսանկարել, երիտասարդն էլ սկսեց հայհոյել, ինչին ի պատասխան Սանասարյանը հրեց երիտասարդին:

Արձագանքեց նաև Անահիտ Բախշյանը, ով փորձեց հարթել միջադեպը:

Րաֆֆի Հովհաննիսյանին ոստիկանները տեղեկացրին, որ Սանասարյանին պետք է բաժին բերման ենթարկեն, սակայն Դավիթը Հովհաննիսյանին հայտնեց, որ իրականում իր մորն են հայհոյել, և ինքն էլ հրել է այդ երիտասարդին:

Րաֆֆի Հովհաննիսյանը ոստիկաններին տեղեկացրեց, որ իրենք պետք է շարունակեն իրենց ճանապարհը, և խնդրեց, որ բաժին ներկայանալու համար ծանուցում ուղղարկեն իր անունով, և ինքն անձամբ Դավիթ Սանսարյանի հետ կգնա ոստիկանություն:

Կիմա Խաչատրյան