Անդրիաս Ղուկասյանի կոչը. ոչ միայն Սերժ Սարգսյանի, այլ բոլոր ՀՀԿ-ականների հրաժարականը
Ազատության հրապարակում ելույթ ունեցավ նաև ՀՀ նախագահի թեկնածու Անդրիաս Ղուկասյան: Նա նշեց, որ Ազատության հրապարակում հավաքվածները կամք ունեն` այս հեղափոխական շարժումը մինչև վերջ տանելու և համակարգը քրեաօլիգարխիկ տարրերից ազատելու համար: Բոլորն Ազատության հրապարակում է և մեկ բռնունք են կազմել, որին կմիանան շատերը, և հանրապետության բոլոր քաղաքներում և հրապարակներում դեռևս կհավաքվեն մյուսները: Մեկը կդառնա 10, 10-ը` 100, և մի քանի օրից ողջ հայ ժողովուրդը կանգնած կլինի Ազատության հրապարակում:
Անդրիաս Ղուկասյանը նշեց, որ Սերժ Սարգսյանն այսօր զբաղեցնում է Բաղրամյան 26-ի իր գրասենյակը նրա համար, որ ամբողջ ժողովուրդը դուրս չի եկել հրապարակ: Սակայն անօրինական իշխանությունները պետք է գնան:
Անդրիաս Ղուկասյանի խոսքով` հեղափոխությունը միայն Ս. Սարգսյանի հրաժարականը չէ, այլ Հանրապետական կուսակցությունը պետք է դուրս գա բոլոր պետական և տեղական ինքնակառավարման մարմիններից: Բոլոր ՀՀԿ-ականների հրաժարականը պիտի լինի պահանջ, որը ժողովուրդն ինքը պիտի բերի. «Ժողովուրդ կազմակերպվեք»`, որպեսզի այս հեղափոխությունը հնարավոր լինի դարձնել անշրջելի` կոչ արեց Ա. Ղուկասյանը:
Ա. Ղուկասյանը հաղթանակի և պայքարի կոչ արեց ժողովրդին:
Մեկնաբանություններ (1)
Մեկնաբանել