Առողջապահության նախարար Դերենիկ Դումանյանն այսօր այցելեց «Գրացիա» միջազգային Կարմիր խաչի կենտրոնում բուժումը շարունակող նախագահի նախկին թեկնածու, ԱԻՄ առաջնորդ Պարույր Հայրիկյանին, հետաքրքրվեց նրա առողջական վիճակով։

Բժիշկների հավաստմամբ՝ վերջին մի քանի օրում ԱԻՄ առաջնորդի առողջական վիճակի դրական տեղաշարժ է արձանագրվում. ցավերը խիստ նվազել են, ձեռքի շարժողականության ֆունկցիան վերականգնվում է, ինչի արդյունքում ընդհանուր ինքնազգացողությունը բարելավվում է։

«Պարույր Հայրիկյանի վերականգնողական համալիր բուժումը շարունակվում է»,- հայտնում է առողջապահության նախարարությունը։