Վերականգնողական կենտրոնի սաները անակնկալ էին պատրաստել իրենց մայրերին՝ սեփական ձեռքերով պատրաստած շնորհավորական բացիկներ և ծաղիկներ:

Երեխաները  բանաստեղծություններով արտահայտեցին իրենց սերն ու քնքշանքը ծնողների հանդեպ, որով հուզեցին մայրերին:

Միջոցառմանը երեխաները պատրաստվել էին մեկ ամիս շարունակ:

Վերականգնողական կենտրոնի սաներին օգնեցին Ջավախքի ընդհանուր առաջնորդական փոխանորդությանը կից գործող «Պուրպիկ» տիկնիկային թատրոնի պատանի դերասանները:

Ջավախքի ընդհանուր առաջնորդական փոխանորդությունում արդեն երկու տարի է,  ինչ գործում է վերականգնողական կենտրոնը, ուր հաճախում են առողջական տարբեր խնդիրներ ունեցող մեկ տասնյակից ավելի երեխաներ:

Ջավախքի ընդհանուր առաջնորդական փոխանորդության մամլո դիվան