Րոպեներ առաջ Ազատության հրապարակում մեկնարկած բացօթյա ասուլիսին «Ժառանգության» առաջնորդ Րաֆֆի Հովհաննիսյանը խնդրեց սրտացավ քաղաքացիներին այլևս չդիմել վրան տեղադրելու քայլերի և փորձերի, քանի դեռ Վլադիմիր Գասպարյանը չի որոշել իր պաշտպանությունըապահովելու: 

«Ես չեմ ուզում վրան»,- հստակեցրեց Ր. Հովհաննիսյանը և նշեց, որ եթե գեներալ Գասպարյանը ուզենա իր անվտանգությունն ու առողջության մասին հոգալ, նա կանի դա: 

Րաֆֆի Հովհաննիսյանը նշեց, որ ինքը հաղթանակի վերջնական փուլը հայտարարելիս երբևէ վրանի կամ այլ տեսակի ծածկի պահանջ չի ներկայացրել, դա համապատասխան մարմինների` ոստիկանության պարտականությունն է` ապահովելու քաղաքացիների, տվյալ դեպքում իր` պայքարի մեջ գտնվող քաղաքացու անվտանգւոյթունն ու առողջությունը: Նա ողջունեց սրտացավ քաղաքացիների նախաձեռնությունը, ովքեր իր գլխի ծածկով ու առողջությամբ մտահոգված են, սակայն նշեց, որ ինքը նրանց նախաձեռնության մասին տեղյակ չի եղել: 

Այսօր Րաֆֆի Հովհաննիսյանին այցելել են Մարդու իրավւոնքների պաշտպանը, գրող Լևոն Խեչոյանը, Մանվել Եղիազարյանը և այլ երկրապահներ ու հրամանատարներ, ինչպես նաև կուսակցության ներկայացուցիչներ: «Մեր ամբողջ ժողովուրդը ներկայացված է այսօր այստեղ»,- ասաց Րաֆֆի Հովհաննիսյնը` թվարկելով տարբեր խավի և ոլորտի ներկայացուցիչներիին,- ես թույլ չեմ տալու, որ մեր հաղթանակը չտոնենք միասին»: 

Լրագրողները հետաքրքրվեցին, թե ի վերջո ինչպես և ինչ որոշում է կայացնելու Րաֆֆի Հովհաննիսյանը, արդյոք առաջնորդվելու է ժողովրդի պահանջով, ասենք` գնալ Բաղրամյան 26 և կոտրել դարպասները, Րաֆֆի Հովհաննիսյանն այսպես պատասխանեց. «Ժողովուրդն առանց ինձ որևէ բան չի անելու, և ես առանց ժողովրդի որևէ բան չեմ անելու»: Ապրիլի 9-ին ինքը հանդես կգա ելույթով, իր առաջարկով ու իր պահանջով, կխորհրդակցի ժողովրդի հետ:

Ր. Հովհաննիսյանն ասաց, որ ասուլիսից հետո Ազատության հրապարակը «ազատ կանոնակարգի մեջ» է լինելու. երիտասարդները համերգ կտան, իսկ վաղը ասուլիս չի լինի, քանի որ ժամը 17:00-ին հանրահավաք է հրավիրված: 

Շաբաթ` ժամը 17:-ին, կլինի հավաք-համերգ` ռոկ համերգ: Մնացածի մասին կտեղեկացնեն վաղը: 

Րաֆֆի Հովհաննիսյանը ՍԴ-ի որոշման մասին ոչինչ չցանկացավ ասել, քանի դեռ ՍԴ-ն չի հրապարակել իր որոշումը, և իրենք դրան կանդրադառնան վաղվա հավաքին: Վաղվա հանրահավաքին հնարավոր է անդրադառնան նաև Երևանի վագանու ընտրություններին: