HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Սերժ Սարգսյանն ընդունեց կառավարության հրաժարականը

Նախագահ Սերժ Սարգսյանը, այսօր ստանձնելով պաշտոնավարման երկրորդ շրջանը, ՀՀ Սահմանադրության 55-րդ հոդվածի 4-րդ կետի համաձայն, քիչ առաջ ընդունեց կառավարության հրաժարականը: Կառավարության ներկայացուցիչների ներկայությամբ Սերժ Սարգսյանը ստորագրեց կառավարության հրաժարականի մասին հրամանագիրը:

Նախագահի կողմից կառավարության հրաժարականի ընդունումից հետո կառավարության անդամները շարունակում են իրենց պարտականությունների կատարումը մինչեւ նոր կառավարության կազմավորումը:

Վարչապետ Տիգրան Սարգսյանի գլխավորությամբ նախարարները գտնվում էին նախագահի նստավայրում: Տիգրան Սարգսյանն իր խոսում նշեց, որ իրենց համար պատիվ է եղել նախագահի հետ աշխատելը: «Ես ուզում եմ նշել, որ այս տարիների ընթացքում մեր թիմը փորձել է կատարել Ձեր կողմից դրված բոլոր խնդիրները»,-նշեց արդեն վարչապետի ժամանակավոր պաշտոնակատարը:

Սերժ Սարգսյանն էլ ասաց, որ քաղաքացիները դժգոհ են ոչ թե մարդկանցից, այլ եղած խնդիրներից:

«Դուք ակնհայտորեն աշխատել եք բարդ պայմաններում եւ լուծել եք շատ դեպքերում, անհնարին թվացող խնդիրներ: Դուք դիմագրավել եք մարտահրավերներին, եւ դա ձեզ պատիվ է բերում»,-ասաց Սերժ Սարգսյանը:

Նա նշեց, որ կառավարությունը ծառայել է ժողովրդին, իսկ ծառայելը նշանակում է ապրել: Դիմելով կառավարությանը` նախագահը նշեց, որ անկախ գնահատականներից այս կառավորությունը նոր ձեւավորվող կառավարության համար ստեղծել է բարենպաստ պայմաններ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter