Քիչ առաջ նախագահի նախկին թեկնածու Անդրիաս Ղուկասյանը Բաղրամյան պողոտայի սկզբնամասում հավաքված մարդկանց հայտարարեց, որ Րաֆֆի Հովհաննիսյանը իր համակիրների հետ գնացել է Ծիծեռնակաբերդ:

Անդրիաս Ղուկասյանն ասաց, որ ով ուզում է միանալ Րաֆֆի Հովհաննիսյանին, կարող է Սարյան փողոցով գնալ Ծիծեռնակաբերդ, իսկ ով համարում է, որ պետք է մնա Բաղրամյան պողոտայում, ապա պետք է ենթարկվի 3 կանոնի:

Անդրիաս Ղուկասյանը հնչեցրեց այդ կանոնները.

«1-ին. մենք սկսում ենք նստացույց:

2-րդ. ոչ մեկ ոչ մի ոստիկանի որևէ հարված կամ որևէ բռնություն թույլ չի տալիս իրեն իրականացնել:

3-րդ. եթե ոստիկանությունը սկսի իր գործողությունները (իսկ նա դրա իրավունքն ունի), մարդիկ դիմադրում են՝ առանց ուժ գործադրելու»: