mLab ECA մոբայլ լուծումների տարածաշրջանային լաբորատորիան՝ Ձեռնարկությունների ինկուբատոր հիմնադրամի, Nokia ընկերության, Համաշխարհային բանկի նորարարության և ձեռներեցության զարգացման infoDev ծրագրի և Ֆինլանդիայի կառավարության հետ համատեղ, հայտարարել է մոբայլ հավելվածների տարածաշրջանային մրցույթ:

Մրցույթի նպատակն է խթանել գործարար և սոցիալական դաշտի զարագացումը մոբայլ տեխնոլոգիաներում նորարար գաղափարների միջոցով:

Մրցույթին կարող են մասնակցել ինչպես ծրագրավորողներ, այնպես էլ բոլոր նրանք, ովքեր ունեն նորարար գաղափարներ հետևյալ երկրներից.  Հայաստան, Ուկրաինա, Մոլդովա, Ղազախստան, Ուզբեկիստան, Տաջիկիստան, Ղրղզստան, Թուրքմենստան, ԱդրբեջանևՎրաստան:  Մասնակիցները կարող են ներկայանալ անհատապես կամ թիմով՝ մինչև 5 մասնակիցներից բաղկացած:

Յուրաքանչյուր մասնակից երկրի ժյուրի ընտրելու է հաղթողի, որը կպարգևատրվի 500 ԱՄՆ դոլարով: Երկրում հաղթած նախագիծը միջազգային ժյուրիին ներկայացնելու համար, թիմի անդամներից մեկը կհրավիրվի Երևան:
Հունիսի 12-13-ըԵրևանում կայանալիք մրցույթի եզրափակիչ փուլի ժամանակ մասնակիցները կներկայացնեն առավելագույնս ավարտուն և ֆունկցիոնալ հավելվածներ: Այս փուլի արդյունքում մրցույթի հաղթողի պարգևն է՝ 10 000 ԱՄՆ դոլար: Գաղափարներ ներկայացնելու վերջնաժամկետն է ապրիլի 29-ը:

Ապրիլի 26-ին Երևանում տեղի կունենա «Գաղափարների ձևավորման» միջոցառումը, որի ժամանակ մասնակիցները հնարավորություն կունենանառաջարկել գաղափարներ և տեղում դիմել տարածաշրջանային մրցույթին:

Միջոցառումը տեղի կունենա «Արմենիա Մարիոթ» հյուրանոցում.  սկիզբը՝ ապրիլի26-ին, ժամը՝ 12:00-ին:

Մրցույթի աջակիցներն են PicsArt և «Ռոստելեկոմ» ընկերությունները: Այս մասին հայտնում է Ձեռնարկությունների ինկուբատոր հիմնադրամը: