Մայիսի 2-ին` ժամը 18.20-ին, ոստիկանության Դիլիջանի բաժնի ծառայողները պարզել են, որ 1970 թ. ծնված Աղասար Հ.-ն ապրիլի 30-ին «Դիլիջան ազգային պարկի» «Հաղարծին» տեղամասի թիվ 6 պահաբաժնից ապօրինի հատել է 15 բոխի և 1 կաղնի: Աղասար Հ.-ն ոստիկանությունում խոստովանել է կատարածը:

Իսկ մայիսի 3-ին, ժամը 13.05-ին, ոստիկանության նույն բաժնի ծառայողների կողմից պարզվել է, որ 1949թ. ծնված Սարուխան Մ.-ն փետրվարին «Դիլիջան ազգային պարկի» 2-րդ պահաբաժնից ապօրինի հատել է 4 կաղնի:

Ոստիկանությունից տեղեկացնում են, որ կատարվում է հետաքննություն: