Այսօր ՀՀ վերաքննիչ դատարանում լսվեց Սյունիքի մարզի Հարթաշեն գյուղի համայնքապետ Ազատ Ղուկասյանի բերած բողոքը՝ առաջին ատյանի դատարանի դատավճռի դեմ:

Հիշեցնենք, որ ոստիկանության Սյունիքի մարզի քննչական բաժնում հարուցվել էր քրեական գործ՝ «Ակնհայտ տասնվեց տարին չլրացած անձի նկատմամբ անառակաբարո գործողություններ կատարելու» հոդվածի հատկանիշներով (142-րդ հոդվածի 1-ին մաս) և 138-րդ հոդվածի 2-րդ մասի երրորդ կետով (բռնաբարություն, որը կատարվել է անչափահասի նկատմամբ):

Առաջին ատյանի դատարանն Ազատ Ղուկասյանին դատապարտել էր 8 տարվա ազատազրկման:

Այսօր Վերաքննիչ դատարանն անփոփոխ թողեց առաջին ատյանի դատարանի դատավճիռը:

Հիշեցնենք, որ քրեական գործը հարուցվել էր «Հետքի» հրապարակումից հետո: