Շվեդիայի Մալմո քաղաքու կայացած «Եվրատեսիլ-2013» երգի մրցույթում Հայաստանը ներկայացնող «Դորիանս» խումբը զբաղեցրեց 18-րդ հորիզոնականը: Իսկ մրցույթի հաղթող դարձավ Դանիայի ներկայացուցիչ Էմիլի Դե Ֆորեստն՝ իր «Only Teardrops» երգով:

Առաջին եռյակում, Դանիայից հետո, հաջորդաբար հայտնվեցին Ադրբեջանը և Ուկրաինան: 

Հայաստանին առավելագույն միավոր տվողը հարևան Վրաստանն էր՝ 10 միավոր, Բուլղարիան տվեց 8 միավոր, Ֆրանսիան՝ 7, Ուկրաինան՝ 6, Հունգարիան՝ 3, Ռուսաստանը և Բելառուսը՝ 2-ական միավոր, Մոլդովան, Սան Մարինոն և Մալթան՝ 1-ական միավոր:

Հայաստանն իր առավելագույն 12 միավորը տվեց Ուկրաինային, 10 միավորը՝ Վրաստանին,  8 միավորը՝ Հունաստանին, 7 միավորը՝ Ռուսաստնին:

Արդյունքների 50 տոկոսը ապահովում էր հանդիսատեսը՝ sms քվեարկությամբ և հեռախոսազանգերով, մնացյալ 50 տոկոսը ձևավորվում էր ժյուրիի կարծիքի հիման վրա: 

Հիշեցնենք, որ Հայաստանն այս տարի ներկայանում էր ռոք ոճում՝ «Դորիանսի» «Lonely Planet» երգով: