Հայաստանի սպառողերի ասոցիացիայի նախագահ Արմեն Պողոսյանը գազի գնի բարձրացման վերաբերյալ մարդու իրավունքների պաշտպան Կարեն Անդրեասյանին այսօր հղել է նամակ, որը ներկայացվում է ստորև.

«Հարգելի պրն Անդրեասյան,

Ձեր ուշադրությունն ենք հրավիրում բնակչության համար գազի սակագնի բարձրացման խնդրին:

Կոմունալ ծառայությունների որակը և սակագները մշտապես եղել են մեր ուշադրության ներքո: Ըստ այդմ, մտահոգված ենք գազի սակագնի ձևավորմամբ՝ այն համարելով խիստ անարդարացի:

ՀՀ հանրային ծառայություների սակագնային քաղաքականության սկզբունքների համաձայն՝ թանկացման պատճառներ կարող են լինել ներկրվող գազի թանկացումը, ՀՀ դրամ/ԱՄՆ դոլար փոխարժեքի փոփոխությունը, սպառման ծավալի նվազումը, կատարվող ներդրումները:

Այս բոլոր գործոններն առկա են, սակայն, մեր խորին համոզմամբ, սակագնի բարձրացմանն անհամաչափ են և առաջացնում են չհիմնավորված շահույթ՝ ի հաշիվ սպառողների իրավունքի և շահերի:

Պատրաստ ենք համատեղ քայլերով ազդարարել այս խնդիրը և համապատասխան պետական մարմիններում (ՀԾԿՀ, Ազգային ծողով, ՀՀ Կառավարություն) պահանջել, որ սակագնի վերանայումը, լինելով անխուսափելի, դուրս չգա համաչափության սահմաններից:

Հարգանոք՝
Ա. Պողոսյան
21.05.13 թ.»