Լոռու մարզի ընդհանուր իրավասության դատարանում մեկնարկել է Սերոբ Տեր-Պողոսյանի դատավարությունը: «Հետքի» թղթակիցը հաղորդում է, որ Տեր-Պողոսյանը լրագրողների ներկայության պատճառով հրաժարվել է մտնել նիստերի դահլիճ: Նրա փաստաբանի միջնորդությամբ լրագրողներին արգելվել է մասնակցել նիստին: Սակայն մեղադրող դատախազներ Արամ Ամիրզադյանը եւ Հովսեփ Սարգսյանը «Հետքի» թղթակցին խոստացել են նիստից հետո դահլիճում կատարվածի վերաբերյալ տեղեկություններ հաղորդել: