HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սոնա Ավագյան

Կենդանիներն արածում են միջնադարյան Նեղուցի վանքի տարածքում (լուսանկար)

Նեղուցի վանական համալիրի գիտավերականգնման գործընթացը կմեկնարկի համապատասխան ֆինանսական միջոցներ լինելու դեպքում: Այս մասին «Հետքին» հայտնեցին Մշակույթի նախարարության Պատմության և մշակույթի հուշարձանների պահպանության գործակալությունից` առանց հստակեցնելու, թե երբ կլինեն ֆինանսական միջոցներ:

2011 թ. ուսումնասիրվել է վանական համալիրի հուշարձանների տեխնիկական վիճակը պահպանվածության առումով առավել վտանգված և հուշարձանների տեխնիկական վիճակի մոնիթորինգի ծրագրով, և հենց այս ուսումնասիրության հիման վրա էլ նախատեսվում է կատարել գիտական վերականգնումը:

Վանական համալիրը՝ որպես հանրապետական նշանակության հուշարձան, ընդգրկված է կառավարության հաստատած, Կոտայքի մարզի պատմության և մշակույթի անշարժ հուշարձանների պետական ցուցակում:

Նեղուցի վանքը գտնվում է Արզական գյուղում՝ բլրի բացատում:

Հուշարձանը նաև կոչել են Նեղոսի վանք, Արզականի Սուրբ Աստվածածին եկեղեցի:

Վանքի Սբ. Աստվածածին եկեղեցին 10-13-րդ դարերի հուշարձան է, որն այժմ կիսավեր է:

Եկեղեցու պատերի տակ թափված են հուշարձանից պոկված քարերը, այդ թվում նաև փորագրված:

Սբ. Աստվածածին եկեղեցու մուտքը:

Մուտքի զարդաքանդակները:

Միջնադարյան արձանագրություններ եկեղեցու պատերին:

Ինչպես շատ հնավայրերում, Նեղուցի վանքում ևս միջնադարյան արձանագրությունների կողքին կարելի է տեսնել այցելուների թողած ժամանակակից գրություններ:

Եկեղեցին կիսավեր վիճակում էլ այցելուների պակաս չունի:

Նրանցից ոմանք, սակայն, մոմերը վառել են ուր պատահի՝ մրոտելով հուշարձանի պատերն ու սյուները:

Հին քարեր ու տապանաքարեր եկեղեցու ներսում:

Նեղուցի վանքում կան բազմաթիվ ամբողջական ու կոտրված, կանգուն ու ընկած խաչքարեր:

Որոշ խաչքարեր էլ պատի դեր են կատարում Սբ. Աստվածածին եկեղուցուց մի քանի մետր վերև գտնվող մատուռի համար:

Մատուռը ևս կիսավեր է:

Սբ. Աստվածածին եկեղեցին՝ մատուռից:

Երախտապարտ արզականցիները Նեղուցի վանքի մոտ կանգնեցրել են ցայտաղբյուր, որը մեր այցելության ժամանակ չէր գործում:

Իսկ ոչ երախտապարտ արզականցիներն իրենց կենդանիներն արածեցնում են հուշարձանի տարածքում: Հուշարձանի ներսում եղած հետքերը վկայում են, որ կենդանիներն անարգել մտնում են նաև Սբ. Աստվածածին եկեղեցի և մատուռ:

Պեղված հիմքեր ու սյուներ Սբ. Աստվածածին եկեղեցու կողքին:

Նեղուցի վանքի աջ կողմում անտառ է:

Վերադարձ Նեղուցի վանքից Արզականի գյուղամեջ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter