Հունիսի 19-ին՝ ժամը 00.25-ին, ահազանգ է ստացվել, որ Երևանի Էրեբունի-Նուբարաշեն ավտոճանապարհին ավտոմեքենան բախվել է գազատար խողովակին, առկա է գազի արտահոսք. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Ջիպ» մակնիշի 11 ՕՏ 878 պետհամարանիշով ավտոմեքենան բախվել է Նուբարաշենի խճուղու 5/5 հասցեի մոտ գտնվող գազատար խողովակին, ինչի հետևանքով տեղի է ունեցել գազի արտահոսք:

Հրշեջ-փրկարարները դեպքի վայրում հերթապահել են, իսկ գազի վարչության աշխատակիցներն իրականացրել են վթարավերականգնողական աշխատանքներ:

Այս մասին տեղեկացնում են ԱԻՆ-ից: